Qazaqstan TKSh-ny jańǵyrtý esebinen 1,3 mlrd. teńge qarjy únemdedi
ASTANA. QazAqparat - Qazaqstan TKSh-ny jańǵyrtý esebinen 1,3 mlrd. teńge qarjy únemdedi. Bul týraly búgin QR Prezıdenti janyndaǵy Ortalyq kommýıkatsııalar qyzmetinde ótken brıfıngte «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarmasynyń tóraǵasy Sergeı Chaıjúnisov aıtty.
«14 qazandyq, úsh sorǵy stansasy salynyp jatsa, shamamen 150 shaqyrym ınjenerlik jeli jańǵyrtyldy jáne salyndy. Áleýmettik-turmystyq úılerdiń 148 nysany sapaly qyzmetpen qamtamasyz etilip, olardyń ıgiligin shamamen 995 myń adam kóretin bolady», - dep atap ótti ol. Sonymen qatar, kompanııa tóraǵasynyń alǵa tartqan derekterine qaraǵanda, 10 aıdyń nátıjesinde turǵyn úı-kommýnaldyq sharýashylyǵyn jańǵyrtý jumystaryna 12 otandyq taýar óndirýshi, onyń ishinde qubyr ónimderin shyǵaratyn 5 zaýyt, 2 qazandyq, 3 retteýshi armatýralar jáne 1 sýdy tazartý tehnologııalarynyń qural-jabdyqtary tartyldy. «Nátıjesinde, jyldyq únem shamamen 1,3 mlrd. teńgeni nemese 250 myń Gkaldy qurady», - dedi S.Chaıjúnisov.
