Qazaqstan tikushaqtary Túrkııa Respýblıkasyna jetti

NUR-SULTAN. QazAqparat - Qazaqstan Prezıdenti Qasym-Jomart Toqaevtyń tapsyrmasy boıynsha túrik halqyna baýyrlastyq jáne gýmanıtarlyq kómek kórsetý aıasynda 11 tamyz saǵat 13.25-te QR Tótenshe jaǵdaılar mınıstrliginiń qutqarý toby Dalaman qalasyna jetti.

Onyń quramynda 2 Mı-8 AMT tikushaǵy jáne orman órtterin sóndirýge tartylǵan 16 qutqarýshy bar.

Bul týraly QR TJM resmı ókili Talǵat Ýálı málimdedi.

«Tústen keıin órt sóndirý oryndarynda barlaý maqsatynda ushý josparlanǵan. Odan ári Qazaqstannyń TJM jeke quramy Túrkııa Respýblıkasy TJM jedel shtabynyń qaramaǵynda órt sóndirý jumystaryna kirisedi»,-delingen habarlamada.

Osyǵan deıin Qazaqstannyń Túrkııadaǵy órtti sóndirýge tikushaqtar jibergeni habarlandy.