Qazaqstan terrıtorııasynyń 70 paıyzy shóleıttený úderisine shaldyǵyp otyr

Búgin QR Parlamenti Májilisinde «Qazaqstan Respýblıkasy Prezıdenti Nursultan Nazarbaevtyń 2011 jyldyń 28 qańtarynda Qazaqstan halqyna arnaǵan Joldaýynan týyndaıtyn Qazaqstan Respýblıkasynyń jer resýrstaryn paıdalaný máseleleri týraly» atty taqyrypta ótken Úkimet saǵatynda Jer resýrstaryn basqarý agenttiginiń tóraǵasy Ómirzaq Ózbekov osylaı málim etti.

«Budan bólek, jerge, onyń sapalyq quramyna qatysty monıtorıng júrgizilgen bolatyn. Sonyń nátıjelerine júginsek, jerdiń sapalyq sıpaty boıynsha elimizde 30,5 mln. gektar jer jel jáne sý erozııalaryna ushyraǵan. Onyń ishinde 1,6 mln. gektar jerdi egistik alqaby qurap otyr», - deıdi Ó. Ózbekov.