Qazaqstan tennısshisi Galına Voskoboeva Marokkoda ITF «Casablanka» týrnıriniń jartylaı fınalyna ótti

Bul týraly QR Tennıs federatsııasynyń baspasóz qyzmetinen habarlady.

«G.Voskoboeva (WTA reıtıngisinde 317-shi) Marokkoda ótip jatqan ITF Casablanka halyqaralyq áıelder týrnıriniń jartylaı fınalyna ótti. Týrnırdiń júlde qory 25 myń AQSh dollary. Shırek fınaldyq matchta qazaqstandyq tennısshi 6:3, 6:2 esebimen rýmyndyq Aleksandra Kadantýdy jeńdi», - dep atap ótti Federatsııanyń baspasóz qyzmetinen.

Jartylaı fınalda G.Voskoboeva týrnırdiń besinshi raketkasy ıtalıandyq Anna Florıspen (WTA reıtıngsinde 163-shi) kezdesedi.

Tennıstik týrnırdiń shırek fınalyndaǵy jeńisine deıin G.Voskoboeva ITF Casablanka-nyń ekinshi kezeńdik matchynda frantsýzdyq Krıstına Mladenovıchti 7:5, 6:4 esebimen eki sette de utty. Al dúısenbi kúni birinshi aınalymdaǵy matchta perýlik Bıanka Bottony 6:1, 6:7, 6:1 esebimen jeńdi.