Qazaqstan tennısshileriniń Aýstralııa ashyq chempıonatyndaǵy qarsylastary anyqtaldy
ASTANA. QazAqparat – Jyldyń alǵashqy «Úlken dýlyǵa» týrnıri – Aýstralııa ashyq chempıonatynyń jerebesi tartyldy, dep habarlaıdy QazAqparat tilshisi.
Jekeleı synda qazaqstandyq tennısshilerdiń qarsylastary anyqtaldy.
Qazaqstannyń birinshi, álemniń 23-raketkasy Elena Rybakına alǵashqy aınalymda dúnıejúzilik reıtıngte 67-orynda turǵan ıtalııalyq Elızabetta Kochcharetomen sheberlik baıqasady.
Reıtıngte 51-satydaǵy ıÝlııa Pýtıntseva álemniń 43-raketkasy, rýmynııalyq Sorana Kyrstıamen kezdesedi.
Erler arasynda Qazaqstannyń birinshi, álemniń 36-raketkasy Aleksandr Býblık reıtıngte ózinen tórt saty joǵary turǵan ıspanııalyq Alehandro Davıdovıch-Fokınadan ótýge tyrysyp kóredi.
Qazaqstandyq sportshylardyń juptyq syndaǵy qarsylastary keıin belgili bolady.
Aýstralııa ashyq chempıonaty 16 qańtarda bastalyp, eki aptaǵa sozylady.
Eske sala keteıik, budan buryn Elena Rybakınanyń juptyq synda Adelaıda týrnıriniń fınalyna shyqqanyn jazǵan bolatynbyz.
Foto: ktf.kz
