Qazaqstan tennısshileri jańa maýsymǵa Dýbaıda daıyndalady

ASTANA. QazAqparat – Qazaqstan tennısshileri Birikken Arab Ámirlikterinde jańa maýsymǵa daıyndyqty bastaıdy, dep habarlaıdy QazAqparat tilshisi.

Qazaqstan tennıs federatsııasynan málim etkendeı, 5-25 jeltoqsan aralyǵynda Dýbaıda elimizdiń áıelder jáne erler quramalarynyń jattyǵý jıyndary ótedi.

Jıynǵa sondaı-aq Team Kazakhstan akademııasynyń jas oıynshylary da qatyspaqshy.

Basty maqsat – 2023 jylǵy jańa maýsymǵa tııanaqty ázirlený.

Ulttyq qurama kapıtandary ıÝrıı Şýkın men ıAroslava Shvedova ótkizetin jattyǵý jıynynda Elena Rybakına, Anna Danılına, Jibek Qulambaeva, Gózal Aınıtdınova, Andreı Golýbev, Aleksandr Nedovesov, Tımofeı Skatov, Mıhaıl Kýkýshkın, Beıbit Jýkaev, Denıs Evseev, Dmıtrıı Popko, Aryslanbek Aıtqulov jáne Islam Orynbasar sheberlikterin ushtaı túspekshi.

Odan keıin tennısshiler Aýstralııaǵa attanady.

Olardyń bir bóligi jańa komandalyq jarys – United Cup kýboginde, basqalary Adelaıda WTA 500 jáne Hobart ATP 250 týrnırinde óner kórsetedi.

Sosyn «Úlken dýlyǵanyń» alǵashqysy – Australian Open birinshiligi kútip tur.

Eske sala keteıik, budan buryn Elena Rybakınanyń Almatyǵa kelgenin jazǵan bolatynbyz.