Qazaqstan tennısshileri Kreml Kýbogi týrnırinde kelesi aınalymǵa ótti
ASTANA. Qazannyń 20-sy. QazAqparat /Jasulan Amanbaıuly/ - Qazaqstan tennısshileri Máskeýde ótip jatqan Kreml Kýbogi jolyndaǵy jarystyń ekinshi týryna ótti, dep habarlaıdy QR Tennıs federatsııasynyń baspasóz qyzmeti.
Birinshi aınalymda Andreı Golýbev argentınalyq tennısshi Maksımo Gonsalesti eki sette 6:3, 6:2 esebimen jeńdi. Onyń endigi qarsylasy jergilikti sportshy - Igor Kýnıtsyn.
Alǵashqy oınynda qazaqstandyq tennısshi WTA reıtıngisinde 268 orynda turǵan Zarına Dıas ta óziniń qarsylasy WTA reıtıngisinde 49-shy oryndy ıelenip otyrǵan Hısela Dýlkony 6:3, 6:7, 7:6 esebimen tize búktirdi. Ekinshi týrda Z. Dıas serbııalyq tennısshi Elena ıAnkovıchpen kezdesedi.
Kreml Kýbogi - jyl saıyn Máskeý qalasynda kúzgi mezgilde ótetin iri halyqaralyq týrnır.
