Qazaqstan tennısshi qyzdary álem chempıonatyn jeńispen bastady

Ispanııanyń Kordova qalasynda 16 jasqa deıingiler arasynda Billie Jean King Juniors Finals týrnırin Qazaqstan qyzdar quramasy jeńispen bastady, dep habarlaıdy Kazinform.

Marat Sháripovtiń shákirtteri alǵashqy kezdesýinde Argentına komandasyn jeńdi.

Aldymen Polına Sleptsova (224 ITF Juniors ranking) men Sol Aılın (117 ITF Juniors ranking) kortqa shyqty.

Tartysty match qazaqstandyq tennısshiniń paıdasyna aıaqtaldy – 7:6 (9:7), 6:3.

Ekinshi oıynda Anastasııa Krymkova (576 ITF Juniors ranking) Jozefına Estevısten (271 ITF Juniors ranking) 6:1, 3:6, 6:1 esebimen aılasyn asyrdy.

Juptyq synda Іńkár Dúısebaı men Anastasııa Krymkova qarsylastaryna ese jiberdi - 5:7, 6:4, 10:12.

Jalpy esep – 2:1, Qazaqstannyń paıdasynda.

Komandalyq álem chempıonatynyń V tobynda Ulybrıtanııa men Qazaqstan quramalary alda keledi.

Ulybrıtanııalyqtar brazılııalyqtardy 3:0 esebimen utty.

Eske sala keteıik, budan buryn Beıbit Juqaevtyń Qazaqstannyń ekinshi raketkasy atanǵanyn jazǵan bolatynbyz.

Sondaı-aq Andreı Golýbev Sofııa týrnıriniń shırek fınalyna shyqty.