Qazaqstan tennıs quramasy United Cup komandalyq týrnırine qatysyp jatyr
ASTANA. QazAqparat – Qazaqstan tennıs quramasy Aýstralııanyń Brısben qalasynda United Cup komandalyq týrnırinde óner kórsetip jatyr, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, qazaqstandyqtar alǵashqy matchyn Shveıtsarııa quramasymen ótkizýde.
Búgin elimizdiń birinshi raketkasy, komanda kapıtany Aleksandr Býblık kortqa shyǵady. Ol Shveıtsarııanyń asa tájirıbeli oıynshysy Sten Vavrınkamen synǵa túsedi. Oıyn shamamen Astana ýaqytymen 13.30-da bastalady. Jibek Qulambaeva álemniń 35-raketkasy Jıl Taıhmanmen sheberlik baıqasady. Eń sońǵy báseke – aralas jupta Aleksandr Býblık pen ıÝlııa Pýtıntseva Sten Vavrınka – Belında Benchıchpen oınaıdy.
Jarystyń birinshi kúni qazaqstandyqtar úshin sátsiz boldy. ıÝlııa Pýtıntseva álemniń 13-raketkasy, Tokıo olımpıadasynyń chempıony Belında Benchıchke ese jiberdi – 6:7(0:7), 3:6. Birinshi sette qazaqstandy tennısshi 4:2 esebimen alda turdy. Esep 5:4 bolǵan mezette de eki set-poıntty paıdalana almady. Ekinshi partııada da 2:0 esebimen alǵa shyqqanymen, jeńilis tapty.
Tımofeı Skatov álemniń 56-raketkasy Mark-Andre Hýslerge tartysty matchta jol berdi – 6:4, 3:6, 3:6.
Osylaısha, Shveıtsarııa 2:0 esebimen alda tur.
Eske sala keteıik, budan buryn tennısten Qazaqstan quramasy alǵash ret ótetin United Cup týrnırinde baq synaıtynyn jazǵan bolatynbyz.
Sondaı-aq Aleksandr Býblık Elena Rybakınanyń Ýımbldondaǵy jeńisin joǵary baǵalady.
Foto: ktf.kz
