Qazaqstan tennıs quramasy Devıs kýbogine daıyndyqty bastady
Qazaqstan tennıs federatsııasynan málim etkendeı, qazaqstandyqtar 16-17 qyrkúıekte Sofııada Ulttyq tennıs ortalyǵynyń topyraq tósenishinde Bolgarııamen pleı-off matchyn ótkizedi.
Komanda kapıtany ıÝrıı Şýkınniń bastaýymen Aleksandr Býblık, Tımofeı Skatov, Mıhaıl Kýkýshkın, Andreı Golýbev jáne Aleksandr Nedovesov qazir jattyǵý ústinde.
Bul qos qurama arasyndaǵy alǵashqy kezdesý bolmaq. Osyǵan deıin Bolgarııa komandasy Devıs kýboginiń fınaldyq kezeńine eshqashan shyǵyp kórmegen.
«Bolgarııa quramasynyń kóshbasshysy Grıgor Dımıtrovtyń qatysatyny jóninde naqty aqparat joq. Ázirge ol tizimde joq, biraq 15 qyrkúıek kúngi jerebege deıin quramǵa engizilýi múmkin. Devıs kýbogi – komandalyq jarys. Munda reıtıng onsha ról atqarmaıdy. Dımıtrovsyz da Bolgarııada jaqsy tennısshiler bar, onyń ústine olar óz jankúıerleriniń kóz aldynda oınaıdy. Sondyqtan ońaıǵa túspeıdi. Degenmen komandalyq álem chempıonatynyń irikteý kezeńine shyǵý úshin bizge qalaıda jeńis kerek», - dedi Qazaqstannyń ekinshi raketkasy Tımofeı Skatov.
16 qyrkúıek kúni jekeleı synda eki báseke ótedi. 17 qyrkúıekte bir juptyq, taǵy eki jekeleı kezdesý oınalady. Match jeńimpazy aldaǵy jyldyń aqpanynda Devıs kýboginiń fınaldyq kezeńine joldama alý úshin synǵa túsedi.
Eske sala keteıik, budan buryn ıÝlııa Pýtıntsevanyń Osaka týrnırinde juptyq synda da shırek fınalǵa ótkenin jazǵan bolatynbyz.
