Qazaqstan Tennıs federatsııasy balalar tennısin damytýǵa baǵyttalǵan jańa jobany bastady
ALMATY. 18 mamyr. QazAqparat /Erlik Erjanuly/ - QR Tennıs federatsııasy «Qazaqstannyń keleshegi zor 24 jasóspirimi» dep atalatyn jańa jobany júzege asyra bastady.
Ondaǵy basty maqsat - balalar tennısin damytý bolyp otyr. Jobaǵa qatysý úshin aımaqtyq fılıaldardyń dırektorlary bas bapkermen keńese otyryp 6 aımaqtan 1997-98 jyldary týǵan balalar men qyzdar arasynan - 1, 1999 jyly jáne odan tómen jastaǵylar arasyna - 1 tennısshiden tańdap, granttyq kómekke usynady. QR Tennıs federatsııasynyń atalmysh kómegin alý úshin olar mindetti serııalyq týrnırlerge qatysýy kerek. 400 AQSh dollary kólemindegi bul grant jas tennısshilerdiń qajetti sporttyq qural-jabdyǵyna jumsalady. Aqtyq sheshimdi qabyldaıtyn QR Tennıs federatsııasynyń Balalar tennısin damytý jónindegi komıteti bolmaq. Onda úmitkerler usynylatyn aımaqtarǵa : soltústik óńirde - Pavlodar, Lısakovsk, Qostanaı jáne Petropavl qalalary. Ortalyq óńirde - Astana, Qaraǵandy qalalary; Batys óńirde - Aqtóbe, Aqtaý, Atyraý qalalary; Shyǵys óńirde - Óskemen, Semeı, Taldyqorǵan, Almaty qalalary men Almaty oblysy; Ońtústik óńirde - Shymkent, Taraz qalalary toptastyrylǵan.
