Qazaqstan temir jolynda LTE-R negizindegi biryńǵaı tsıfrlyq júıe qurylady
ASTANA. KAZINFORM — «Qazaqstan temir joly» UK» AQ «Transtelekom» AQ-men birlesip Qazaqstannyń barlyq aýmaǵy boıynsha tasymaldaý protsesin, temirjol ınfraqurylymyn jáne jyljymaly quramdy basqarýdyń biryńǵaı tsıfrlyq platformasyna aınalatyn LTE-R zamanaýı tsıfrlyq tehnologııalyq jelisin qurý jónindegi jobany iske asyryp jatyr. Bul týraly «Qazaqstan temir joly» UK» AQ baspasóz qyzmeti málim etti.
Joba aıasynda elimizdiń 20 myń shaqyrymnan astam temirjol jelileri boıynda zamanaýı tsıfrlyq baılanys jelisin qurý jáne 3 myńǵa jýyq LTE-R radıobaılanys obektilerin salý josparlanýda. Jańa ınfraqurylym Qazaqstannyń negizgi temirjol baǵyttaryn úzdiksiz tsıfrlyq qamtýdy qamtamasyz etedi.
LTE-R SMART-ınfraqurylymdy, SMART-lokomotıvterdi, tsıfrlyq stantsııalar men vokzaldardy, tasymaldaý protsesin monıtorıngileý men basqarýdyń zııatkerlik júıelerin damytý jobalaryn engizý úshin bazalyq tehnologııalyq negiz bolady.
Jeli salany basqarýdyń biryńǵaı tsıfrlyq keńistigin qalyptastyra otyryp, lokomotıvter, dıspetcherlik ortalyqtar, avtomatıka júıeleri jáne temirjol ınfraqurylymy obektileri arasynda naqty ýaqyt rejıminde derekterdi berýdi qamtamasyz etedi.
Jobany iske asyrý:
• lokomotıvter, dıspetcherlik ortalyqtar jáne ınfraqurylym obektileri arasynda úzdiksiz derekter almasý arqyly poıyzdar qozǵalysynyń qaýipsizdigin arttyrý;
• shtattan tys jaǵdaılarǵa jaýap berý ýaqytyn qysqartý;
• búkil temirjol jelisindegi tehnologııalyq baılanystyń senimdiligin arttyrý;
• adam faktorynyń qozǵalysty basqarýǵa áserin azaıtý;
• zamanaýı beınebaqylaý jáne beıneanalıtıka júıelerin engizý;
• derekterdi taldaý negizinde ınfraqurylymǵa josparly qyzmet kórsetýden boljamdy jóndeýge kóshý;
• basqarýshylyq sheshimder qabyldaýdyń jedeldigin arttyrý;
• jolaýshylar úshin tsıfrlyq servısterdi, sonyń ishinde zamanaýı telekommýnıkatsııalyq qyzmetterge jáne jol boıyndaǵy Internetke qoljetimdilikti damytý.
Joba Qazaqstannyń kóliktik-logıstıkalyq áleýetin damytý úshin strategııalyq mańyzǵa ıe. LTE-R poıyzdar qozǵalysyn basqarýdyń ıntellektýaldy júıelerin engizý, ınfraqurylymdy paıdalaný tıimdiligin arttyrý jáne halyqaralyq kólik dálizderiniń ótkizý qabiletin arttyrý úshin tehnologııalyq negiz jasaıdy.
Jańa jeli Qazaqstandy Qytaımen, Ortalyq Azııa elderimen, Kavkazben, Reseımen jáne Eýropamen baılanystyratyn negizgi tranzıttik baǵyttardy qamtıdy. Álemdik tájirıbe kórsetkendeı, temirjol kóliginde tsıfrlyq tehnologııalardy engizý ınfraqurylymnyń ótkizý qabiletin 15-30 paıyzǵa arttyrýǵa, qaýipsizdik deńgeıin kúsheıtýge jáne jańa temirjol jelilerin aýqymdy salýdy qajet etpeı paıdalaný shyǵyndaryn tómendetýge múmkindik beredi.
Bolashaqta LTE-R FRMCS jáne 5G jelilerine negizdelgen sheshimderdi qosa alǵanda, jańa býyn temirjol tehnologııalaryn engizýdiń negizi bolady.
Jobany iske asyrý ulttyq aýqymdaǵy biryńǵaı tsıfrlyq temirjol ekojúıesin qalyptastyrýǵa, kólik ınfraqurylymynyń tıimdiligin arttyrýǵa jáne Qazaqstannyń Eýrazııanyń negizgi kólik-logıstıkalyq toraptarynyń biri retindegi ustanymyn nyǵaıtýǵa múmkindik beredi.
Aıta keteıik, bıyl temirjol arqyly 131 mln tonna júk tasymaldandy.
