Qazaqstan temir joly ulttyq kompanııasynyń qaryzy qansha
ASTANA. KAZINFORM – Qazaqstan temir joly ulttyq kompanııasynyń ótken jylǵy kirisi 84 paıyzǵa, taza tabys 9 ese ósti.
- Sońǵy tórt jylda Qazaqstan temir joly kompanııasynyń kórsetkishi jaqsardy. 2023 jylmen 2024 jyldy salystyryp qaraǵanda kiris 84 paıyzǵa, taza tabys 9 ese ósti. Kompanııa búkil nesıeni ýaqytyly tóleıdi, qazir Qazaqstan temir joly kompanııasynyń boryshy – 2,7 trln teńge, - dedi «Samuryq-Qazyna» AQ basqarma múshesi, ekonomıka jáne qarjy jónindegi basqarýshy dırektory Aıdar Rysqulov qorda ótken baspasóz máslıhatynda.
Onyń aıtýynsha, qaryz vagon quramdaryn jańartý men ınfraqurylymdy damytýǵa alynǵan.
Buǵan deıin Qazaqstan temir joly kompanııasy qomaqty qaryzyn jabý úshin tarıfti ózgertetini týraly jazǵan edik.
Eske salaıyq, byltyr jeltoqsanda Kólik mınıstri Marat Qarabaev Qazaqstanda lokomotıvterdiń tozý deńgeıi 61 paıyz ekenin aıtty.
Aıta keteıik, Qazaqstan temir joly kompanııasy IPO-ǵa shyǵýǵa daıyndalyp jatyr. Onyń IPO-ǵa shyǵý merzimi 2027-2028 jyldarǵa aýysýy múmkin.