«Qazaqstan temir joly» men «QazaqGaz» qashan IPO-ǵa shyǵarylady
ASTANA. KAZINFORM – Kelesi jyly «Qazaqstan temir joly» jáne «QazaqGaz» kompanııasy IPO-ǵa shyǵarylady. Bul týraly «Samuryq-Qazyna» AQ damý jáne jekeshelendirý jónindegi basqarýshy dırektory Saltanat Sátjan málim etti.
«2021-2025 jyldarǵa Úkimettiń qaýlysymen bekitilgen jekeshelendirýdiń jospary bar. Sol josparǵa sáıkes, 2025 jyly «Qazaqstan temir joly» jáne «QazaqGaz» ulttyq kompanııasy IPO-ǵa shyǵarylýy kerek. IPO-ǵa shyǵýda negizgi eki faktory qaralady. Birinshiden, kompanııanyń makroekonomıkalyq jaǵdaıy jaqsy bolýy kerek. Ekinshiden, kompanııanyń oǵan daıyndyǵy. Máselen, Air Astana áýe kompanııasy IPO-ǵa shyǵýǵa 2017 jyly daıyn boldy, biraq, 2020 jyly koronavırýs ınfektsııasy etek jaıyp, konkýrs keıinge shegerildi», - dedi Saltanat Sátjan Senatta ótken jıyn barysynda.
Eske sala keteıik, 9 aqpanda Air Astana-nyń qundy qaǵazdary LSE jáne AIX-ta satylymǵa shyǵarylǵan edi.
Aıta keteıik, búgin Senattyń Qarjy jáne bıýdjet komıtetiniń depýtattary 2021-2025 jyldarǵa arnalǵan jekeshelendirýdiń keshendi josparynyń sheńberinde kvazımemlekettik sektor sýbektileriniń aktsııalaryn ornalastyrý máselelerin talqylady.
