QTJ Qytaıdyń SRRC kompanııasymen quny 1,3 mlrd dollar bolatyn kelisimge qol qoımaq
Qazaqstan Prezıdenti CRRC Sorporation Limited kompanııasynyń basqarma tóraǵasy ári atqarýshy dırektory Cýn ıÝntsaıdy qabyldady, dep habarlaıdy Kazinform Aqordanyń baspasóz qyzmetine silteme jasap.
CRRC Sorporation Limited kompanııasynyń basqarma tóraǵasy ári atqarýshy dırektory Cýn ıÝntsaımen kezdesý barysynda mashına jasaý jáne temirjol transporty salalaryndaǵy yntymaqtastyq máseleleri talqylandy.
Qasym-Jomart Toqaevqa «Bir beldeý, bir jol» forýmy aıasynda «Qazaqstan temir joly» ulttyq kompanııasy men SRRC arasynda quny 1,3 mıllıard dollar bolatyn yntymaqtastyq týraly kelisimge qol qoıylatyny jaıynda baıandaldy. Atalǵan qujat boıynsha 200 manevrlik jáne magıstraldyq teplovozdar satyp alý, sondaı-aq Qazaqstanda ınjınırıng jáne servıstik qyzmet kórsetý ortalyqtaryn ashý qarastyrylǵan.
Prezıdent elimizdiń ozyq tehnologııalardy qoldaný jáne temirjol tehnıkasyna qyzmet kórsetý ortalyqtaryn ashý arqyly lokomotıvter óndirisiniń jergilikti úlesin arttyrýǵa múddeli ekenin atap ótti. Osy oraıda Memleket basshysy Qazaqstannyń negizgi kólik-logıstıkalyq hab ekenin aıtyp, sol arqyly CRRC kompanııasynyń Eýrazııa keńistigi men Eýropa naryqtaryna shyǵa alatynyn jetkizdi. Bul rette Memleket basshysy kompanııanyń osy maqsattarǵa 200 mıllıon dollar ınvestıtsııa quıý nıetin quptady.
– 20 jyl boıy Sizdiń korporatsııańyz elimizben tabysty yntymaqtastyqta jumys istegeni qýantady. Osy jyldar ishinde Qazaqstan kompanııadan 300-ge jýyq jolaýshylar vagony men lokomotıvterdi, sondaı-aq 6 myń júk vagonyn satyp aldy. Qazaqstanda kompanııanyń ónimderi sapaly ekenin kórsetti. Bizdiń seriktestigimizdi jańa deńgeıge kóterýge barlyq múmkindik bar ekenine senimdimin, – dedi Qasym-Jomart Toqaev.
Óz kezeginde Sýn ıÝntsaı Qazaqstannyń CRRC kompanııasyna kórsetip jatqan qoldaýy úshin rızashylyǵyn bildirdi. Onyń pikirinshe, kásiporyn Qazaqstan naryǵynda qyzmet etken 20 jyl ishinde ózara tıimdi yntymaqtastyq joǵary deńgeıge kóterilgen.
CRRC Corporation Limited korporatsııasy álemdegi temirjol transportynyń eń iri óndirýshisi sanalady jáne álemdik lokomotıv óndirisi naryǵynyń shamamen 50 paıyzy Qytaı kompanııasyna tıesili.
