«Qazaqstan temirjolynyń» ortalyq dırektoryna qatysty tergeý aıaqtaldy
TALDYQORǴAN.QazAqparat - «Qazaqstan temir joly» ulttyq kompanııasy» AQ «Temirjol kóligi personalyn baǵalaý jáne damytý ortalyǵynyń» dırektoryna ókilettigin asyra paıdalandy degen kúdik keltirilip otyr, dep habarlaıdy QazAqparat tilshisi.
«Ol ózine baǵynysty Aqtóbe, Pavlodar, Taraz jáne Qaraǵandy ortalyq fılıaldary dırektorlarynyń jalpy somasy 1,7 mln teńge qarajatyn qaıtarymsyz negizde ıelený arqyly, olarǵa atalǵan somada materıaldyq zalal keltire otyryp, ókilettigin asyra paıdalandy degen kúdik keltirildi», - delingen ortalyq dırektoryna sotqa deıingi tergeý júrgizilgen Sybaılas jemqorlyqqa qarsy is-qımyl ulttyq bıýrosynyń habarlamasynda.
Kúdikti kinásin tolyq moıyndaýyna baılanysty protsestik qamaý qoldanylǵan joq. Sotqa deıingi tergeý jedeldetilgen tártipte aıaqtaldy.
Sondaı-aq Sybaılas jemqorlyqqa qarsy is-qımyl ulttyq bıýrosynyń Qaraǵandy oblysy boıynsha departamenti «Qazaqstan temir joly» ulttyq kompanııasy» aktsıonerlik qoǵamynyń Qaraǵandy kólik oqý ortalyǵynyń dırektoryna qatysty sotqa deıingi tergeýi júrgizilýde. Ol deldal arqyly dáris alýshydan dáristerge qatysýdan bosatý úshin 30 myń teńge somasynda para alǵany úshin kúdikti dep tanyldy. Ol da kinásin tolyq moıyndaýyna baılanysty protsestik qamaýǵa alynǵan joq. Tergeý jalǵasýda.
Aǵymdaǵy jyldyń basynan beri sybaılas jemqorlyqpen kúres qyzmeti «Qazaqstan temir joly» ulttyq kompanııasy» aktsıonerlik qoǵamy jáne onyń baǵynyshty uıymdarynyń jumysshylaryna qatysty 29 sybaılas jemqorlyq qylmystaryn (onyń ishinde 3 qylmystyq is sotqa joldandy) tirkedi, kúdikti retinde 14 tulǵa tekserilýde.
«Jemqorlyq qylmystary kóp jaǵdaıda jymqyrý, paraqorlyq, atqarylǵan jumystar aktisine qol qoıý, jumysqa qabyldaý jáne qyzmet boıynsha aýysý, sondaı-aq júkterdi tasymaldaý úshin vagondardy jáne teplovozdardy kedergisiz berý boıynsha ókilettikterdi teris paıdalanýmen baılanysty», - tekserý júrgizgen vedomstvo ókilderi.
