Qazaqstan temirjoly lokomotıv jáne vagon parkterin jańartýǵa Samuryq-Qazynadan 75 mlrd. teńge qaryz aldy
ASTANA. 29 sáýir. QazAqparat /Gúlmıra Álıakparova/ - «Qazaqstan temir joly» kompanııasy lokomotıv jáne vagon parkterin jańartý úshin «Samuryq-Qazyna» UÁQ» AQ-dan 75 mlrd. teńge kóleminde qaryz aldy.
«Qazaqstan temir joly» UK» AQ tobynyń - «Lokomotıv» AQ men «Qaztemirtrans» AQ «Samuryq-Qazyna» UÁQ» AQ-nyń 75 mlrd. teńge kólemindegi uzaq merzimdik zaemyna ıe boldy», - delingen QTJ-nyń taratqan habarlamasynda.
Qarjynyń 15 mlrd. teńgesi «Lokomotıv» aktsıonerlik qoǵamynyń lokomotıv parkin jańartýǵa, qalǵan 60 mıllıardy «Qaztemirtrans» kompanııasynyń vagondar parkin jańalaýǵa jumsalatyn bolady.
Zaem ulttyq valıýta túrinde 2017 jylǵa deıin, Qazaqstan temir jolynyń korporatıvtik kepildemesi negizinde berildi.
