Qazaqstan temirjolshylary jyl basynan beri 6 mıllıon tonna astyq tasymaldady
ASTANA. QazAqparat - Qazaqstan temirjolshylary jyl basynan beri 6 mıllıon tonna astyq tasymaldady. Bul týraly «Qazaqstan temir joly» UK» AQ-nyń baspasóz qyzmetinen málim boldy.
Baspasóz málimetterine qaraǵanda, jańa astyq ónimderi temirjoldaǵy ishki jáne syrtqy tasymaldyń ósýine yqpal etti. Bıylǵy on aıda 6,3 mıllıon tonna astyq tıeldi. Qazaqstan temirjol jelilerinde qazan aıynda 1,2 mıllıon tonna jańa astyq pen un ónimderi tıeldi.
Atap óterligi, aǵymdaǵy jyly eksporttyq tasymaldyń geografııalyq aıasy jańadan ıtalııalyq naryqtyń ashylýyna sáıkes keńeıgen. Bul baǵytqa 200 myń tonna astyq jóneltildi. Qazirgi tańda ekporttyq baǵdardyń kórsetkishi arta túsken. 2016 jylmen salystyrǵanda Iran, Ózbekstan, Tájikstan, Ázerbaıjan, Túrkııa, Undistanǵa astyq tıeý kólemi artqan. Aýǵanstan men Qytaıǵa un tıeý kólemi ósken.
Ulttyq tasymaldaýshynyń negizgi mindetiniń biri agroónerkásip salasy eńbekkerleriniń ónimderin toqtaýsyz tasymaldaýdy qamtamasyz etý bolyp tabylady.
«Qazirgi júk kóleminiń artýyna baılanysty Ulttyq tasymaldaýshy júk jóneltýshilerdiń tapsyrysymen astyq tasymaldaýdy ýaqytynda atqarý úshin barlyq sharalardy qoldanýda. Tapsyrys kúnnen kúnge óse túsýde. Biz júk jóneltýshilerdi ulttyq tasymaldaýshymen uzaqmerzimdik seriktestik ornatýǵa shaqyramyz. Munyń mańyzdysy josparlaý tıimdiligi jáne tasymaldaý úderisiniń normatıvterin belgileý arqyly turaqty tasymaldaýdy qamtamasyz ete alamyz»,-deıdi «QTJ-Júk tasymaly» AQ departamentiniń dırektory Aıdar Isaqov.
