«Qazaqstan temir jolynyń» júk aınalymy 1 jylda 12 paıyzǵa tómendedi
«Men 2014 jylmen salystyrǵanda júk aınalymy tómendeýiniń 12 paıyzdy quraǵanyn aıta alamyn. Bul 2015 jyldyń sońyndaǵy qolymyzda bar málimet. Eń joǵary quldyraýdy biz eksporttyq baǵytta oryn alady dep kútýdemiz. Ol 25 paıyzdy quraıdy. Bul temir keni men kómirdi eksporttyq tasymaldaýdyń tómendeýimen baılanysty», - dedi «QTJ» basshysy.
Onyń atap ótýinshe, júk aınalymynyń tómendeýi negizinen Qytaı men Reseı baǵytynda baıqalyp otyr.
«Qytaı baǵytynda biz Sokolov-Sarybaı taý-ken baıytý kombınaty óniminiń shamamen 7 mln. tonnaǵa azaıýynan kórip otyrmyz. Kómirdiń de Reseı baǵytynda tasymaldaný kóleminiń tómendeýi baıqalady. Saladaǵy jalpy ahýal osyndaı. Biraq, bul jaǵdaıda biz osydan birneshe jyl buryn tranzıttik tasymaldy damytýda tańdaǵan baǵytymyzdyń durystyǵyn taǵy bir márte dáleldedik», - dedi A.Mamın.
