Qazaqstan temir jolynyń Reseı Federatsııasyndaǵy fılıalynyń jumysyna tekserý júrgizildi - QR Bas prokýratýrasy
ASTANA. Mamyrdyń 19-y. QazAqparat - Jaqynda buqaralyq aqparat quraldarynda Reseı Federatsııasy prokýratýrasynyń «Qazaqstan temir joly» Ulttyq kompanııasynyń «Shyǵys temirjol ýchaskesi» fılıalynyń osy memlekettiń aýmaǵyndaǵy jumysyna júrgizgen tekserýiniń qorytyndysy jarııalandy.
«Shyǵys temirjol ýchaskesi» fılıaly paıdalanylatyn «543 shaqyrym - Lokot beketi - «Kazahstanskıı» razezi» temirjol magıstraldy jolynyń ýchaskesinde temirjol kóligi salasynda prokýrorlyq qadaǵalaý sharasy aýmaqtyq qaǵıdaǵa sáıkes Reseı Federatsııasynyń kólik prokýratýrasy organdarymen júrgiziledi.
2009 jyldyń qarasha aıynda Batys-Sibir kólik prokýratýrasy kozǵalys qaýipsizdigi men temir jol kóligin eksplýatatsııalaý zańnamasynyń oryndalýy boıynsha tekserý júrgizip, onyń qorytyndylary boıynsha «Shyǵys temirjol ýchaskesi» fılıalynyń magıstraldy temirjolyn kútýi boıynsha buzýshylyqtar anyqtaldy: aqaýly relster men jaramsyz shpaldardyń bolýy, aýystyrý tilsheleri sańylaýlarynyń normatıvterden úlken bolýy jáne t.b. sol sııaqty aqaýlar.
Tekserý qorytyndysy boıynsha 2010 jyldyń naýryzdyń 22-sinde «Shyǵys temirjol ýchaskesi» fılıalynyń atyna zańdylyqty buzýdy joıý týraly usynys engizildi. Osyǵan baılanysty, Qazaqstannyń Ortalyq aımaqtyq kólik prokýratýrasy «Shyǵys temirjol ýchaskesi» fılıalynyń joldyń atalǵan ýchaskesin kútý men aǵymdaǵy jóndeý jumystaryn júrgizýge jáne kólik qozǵalysy qaýipsizdigin qamtamasyz etýge bólingen aqsha qarajatyn jumsaý qyzmetinde zańdylyqtyń saqtalýyna tekserý júrgizdi.
Tekserý barysynda joldyń osy ýchaskesi jolólsheýish vagondardyń jumys kestesine sáıkes joldyń joǵarǵy qurylymynyń kútimi temirjoldardy tehnıkalyq eksplýatatsııalaý erejelerine sáıkes bolýy turaqty tekseriletini anyqtaldy.
2009 jyly «QTJ» UK» AQ-nyń Magıstraldy júıeler dırektsııasy júrgizgen kóktemgi jáne jazǵy komıssııalyq tekserister barysynda jolasty topyraqtyń otyrýy, shpaldardyń shirýi jáne t.b. sol sııaqty 178 aqaý anyqtaldy.
Mysalǵa, Removskaıa-Neverovskaıa aıaldamalarynyń aralyǵyn tekserý barysynda 33-, 34-, jáne 37-shi shaqyrymdarynda jol topyraǵynyń otyrýy anyqtaldy.
Magıstraldy joldar dırektsııasy «Shyǵys temirjol ýchaskesi» fılıalyna joldyń aǵymdaǵy kútimi men jóndeý jumystaryna 2008 jyly - 125 000 000 teńge, 2009 jyly - 100 000 000 teńge jáne 2010 jyly - 180 736 000 teńge bólgen.
2008-2009 jyldary joldyń aǵymdaǵy kútimi men jóndeý jumystaryna bólingen qarajat tolyq kólemde ıgerilgen.
Anyqtalǵyn buzýshylyqtar boıynsha «Shyǵys temirjol ýchaskesi» fılıalynyń dırektory S.Şerbakov jumystan shettetildi, fılıal dırektorynyń orynbasary A.Jeksenbıevke jáne fılıaldyń bas ınjeneri A.Chıgarevke qatań sógis jarııalandy.
Sóıtip, Magıstraldy joldar dırektsııasy jyl saıyn atalǵan jol ýchaskesin kútý jáne jóndeýge qarajat bóletini, anyqtalǵan aqaýlardy joıý boıynsha qajetti sharalar qabyldanyp otyrǵany, al kináli adamdardyń jaýapkershilikke tartylyp jatqany anyqtaldy.
