Qazaqstan temir jolynyń bólim basshysy bıýdjet qarajatyn jymqyrǵan

NUR-SULTAN. QazAqparat – «Qazaqstan temir joly» UK Pavlodar oblystyq sıgnalızatsııa jáne baılanys bóliminiń bastyǵy bıýdjet qarjysyn jymqyrdy degen kúdikke ilindi, dep habarlaıdy QazAqparat Qarjylyq monıtorıng agenttigine silteme jasap habarlaıdy.

«Agenttiktiń Pavlodar oblystyq departamenti qyzmetkerleri «QTJ» UK» AQ Pavlodar oblystyq sıgnalızatsııa jáne baılanys bólimshesiniń bastyǵy S.Túsipovtiń qyzmettik ýákildigin asyra paıdalanǵanyn jáne bıýdjet aqshasyn jymqyrý faktisin anyqtady», - delingen habarlamada.

S.I.Túsipov S.M. Imanbek jáne T.M.Sársembınovpen birge 2016 – 2021 jyldar aralyǵynda qyzmettik ýákildigin asyra paıdalanyp, qyzmetkerlerden júıeli negizde aqshalaı qarajat jınap otyrǵan.

Sondaı-aq sottalýshy avtomatty telefon stansasyn jóndeýge shart jasasyp, ony oryndamaǵan. S.I.Túsipov atqarylǵan jumys aktisine qol qoıǵany úshin aqshalaı syıaqy alǵan.

Pavlodar qalalyq soty azamat S.I.Túsipov, S.M. Imanbek jáne T.M.Sársembınovti kináli dep tanyp, tıisti jazaǵa tartty.