«Qazaqstan temir jolynyń» 3 mlrd. teńgesin jymqyrǵan ulttyq kompanııanyń burynǵy qyzmetkeri Arab elinde ustaldy
ASTANA. 4 mamyr. QazAqparat - Arab Ámirlikterinde «Qazaqstan temir joly» Ulttyq kompanııasynyń burynǵy qyzmetkeri Erlan Qojasbaı ustaldy.
Jýyrda polıtseıler anyqtaǵandaı, ol 11 jyl buryn AQ-nyń 3 mlrd. teńgesin jambasyna basqan.
Aıta keteıik, odan keıin ol eldiń saýda-ónerkásip palatasynyń bastyǵy bolyp ta úlgergen. Bul týraly «Ekspress K» gazetindegi «Snabjen po sobstvennomý jelanııý» maqalasynda (2012 jyldyń 4 mamyryndaǵy № 78 (17436) jýrnalıst Anjelıka Gromova jazdy.
Qazirgi kezde qashqyndy elge ekstradıtsııalaý máselesi sheshilýde. Bul týraly keshe ІІM-de ótken brıfıngte vedomstvonyń resmı ókili Nurdildá Oraz málim etti. Onyń málimetterinshe, Qojasbaı qylmysty jasaǵan kezde «Qazaqstan temir jolynyń» materıaldyq-tehnıkalyq jabdyqtaý departamentine basshylyq etken.
