«Qazaqstan temir jolynda» jappaı qysqartý bola ma - kompanııa jaýap berdi

Baspasóz qyzmetiniń habarlaýynsha, kompanııada qyzmetkerler sanyn ońtaılandyrý men kadrlardy qysqartý degenniń ekeýi eki bólek. Jalpy ońtaılandyrý jumystary úsh negizgi faktorǵa súıenedi.

«Birinshiden, bul balamaly temir jol kompanııalarymen salystyrǵanda eńbek ónimdiliginiń tómendigi. Máselen, Reseı temirjolymen salystyrǵanda bizde eńbek ónimdiligi eki ese tómen, al soltústik amerıkalyq temir jol kompanııalaryna jáne China Railways temirjolyna qaraǵanda múlde artta qalǵanbyz. Eger 1 shaqyrymdyq eksplýatatsııalyq jolǵa shaqqandaǵy jumysshylar sany jóninen kelsek RTJ-men salystyrýǵa bolady, al Deutsche Bahn temirjolynan bul rette 28% artta qalady. Al SATJ-ǵa qaraǵanda kósh keıin qalyp keledi. Al endi tehnıkalyq jáne tehnologııalyq kórsetkishterge kelsek, onda mysaly, RTJ-da tıelgen baǵdarlar úshin vagondardyń qozǵalysy boıynsha kepildik beretin «arqalaý» kúshi búgin de 2 200 shaqyrymdy qurasa, bul kórsetkish «QTJ» UK» AQ-da 215 shaqyrymnan aspaıdy», - dep túsinikteme berdi kompanııa.

Ekinshiden SATJ-da barlyq qurylym negizgi tabysty bıznes baǵyttardy damytýǵa baǵyttala otyryp qurylǵan. Basqa qalǵan kómekshi qyzmetter (avtokólik, tazalaý, ǵımarattardy kútip ustaý jáne t.b.) mamandandyrylǵan merdiger kompanııalardyń kúshimen qamtamasyz etiledi. Al «QTJ» UK» AQ-da, mysaly, jekemenshikte tozyǵy jetken 514 garaj ben 3111 avtokólik jáne arnaıy tehnıka bar. Eksplýatatsııalyq shyǵyndar 6 mlrd-tan astam teńgeni quraıdy. Bul jyl saıyn jalaqynyń ósýi, otyn men kólik sharýashylyǵynyń quramdas bólshekteri men olardy ustap otyrý baǵasynyń kóterilýine baılanysty kóbeıip otyr. Jyl saıyn tym tozyǵy jetken jáne isten shyǵarylǵan tehnıkanyń bolýyna baılanysty aıtarlyqtaı qomaqty qarjy kapıtal salymdaryna kerek. Sondyqtan atalǵan qyzmetterdi naryqtan tartý áldeqaıda tıimdirek bolady.

«Úshinshiden, «QTJ» UK» AQ qol eńbegin almastyratyn jańa tehnologııalardy engizýde. Máselen, «Magıstral» ABJ sheńberinde mobıldi dıagnostıkalyq quraldardy engizý» jobasy eskirgen, tıimdiligi az almaly qos joldy tirkeýishi joq aqaýtapqysh arbalardan avtomattandyrý jaǵyna qaraı kóshýge múmkindik beredi. «Tasymal qujattaryn qaǵazsyz tehnologııamen resimdeýdi engizý» jobasy klıentterge kez kelgen yńǵaıly orynnan elektrondy túrde júk tasymalyn resimdeýge septik etedi. Nátıjesinde, mekenjaıdy ózgertip jazýǵa beriletin ótinim merzimi 2 kúnnen 1 saǵatqa deıin qysqardy, sonymen qatar josparlaý úderisi 11 saǵattan 5 mınýtqa azaıdy. Klıentterdiń stantsııa jumysshylarymen tikeleı baılanysy azaıtyldy, sonyń arqasynda klıentterdiń alym-salymǵa qatysty shaǵymdary kemidi jáne resimdeý barysynda jiberiletin qatelikter men jańylys jazýlar da qysqardy», - delingen habarlamada.

QTJ baspasóz qyzmeti birinshi kezekte aıta keterligi, áleýetti qysqartýlardyń kólemi tolyǵymen ishki jaldaý kólemi arqyly jabylatynyn habarlaıdy. Keıingi úsh jyl boıyna «QTJ» UK» AQ naryqtan jylyna 12 myńnan astam adamdy jalǵa alǵan.

«Qazirgi sátte ishki jaldaýǵa moratorıı jarııalanǵan jáne personaldy eń suranysqa ıe birqatar mamandyq boıynsha daıyndaý jáne qaıta daıyndaý baǵdarlamalary iske qosyldy (monterler, brıgadırler, jolserikter jáne basqalary). Jumys orny ońtaılandyrýǵa ushyraǵan jumysshylarǵa balamaly jaǵdaı jasap, júıelik tásil qoldanýdy qamtamasyz etý úshin personalǵa jeńil tıetindeı etip bosatý boıynsha keshendi baǵdarlama qabyldandy. Sol arqyly bolashaqta atalǵan jumysshynyń QTJ ishinde jáne basqa da uıymdarda jumyspen qamtylýy kózdeledi», - dep túsindiredi kompanııadan.

Máselen, «Áskerılendirilgen temir jol kúzeti» AQ-nyń bosatylǵan jumysshysyna «QTJ» kompanııasy tobynyń ishindegi vakansııalar usynylǵan. Osyndaı jolmen 620 jumysshy jumysqa ornalastyrylǵan.

Aýtsorsıngke beıindi emes fýnktsııalar qorytyndysyna kelsek, jalpy alǵanda áleýetti jetkizýshiler aldyna tıisti telimderge jumyldyrylǵan QTJ-nyń barlyq tilek bildirgen jumysshylaryn jumysqa ornalastyrý týraly mindetti shart qoıylady. Mundaı mehanızm kelesideı qyzmet túrlerin aýtsorsıngke shyǵarý barysynda qoldanylǵan: avtokólikpen qamtamasyz etý, júk vagondary parkine tehnıkalyq qyzmet kórsetý jáne kútip ustaý, poshtalyq korrespondentsııa, lokomotıv brıgadalary úshin demalys oryndaryn usyný boıynsha qyzmet.

Árbir jeke joba sheńberinde kompanııa jumysshylarǵa birneshe nusqa usynady. Onyń ishinde basqa qyzmetterge jumysqa ornalastyrý, ótemaqylar, zeınetke erterek shyǵa berý (eger jaramdy bolsa) syndy usynystar bar. Erekshe aıta keterligi – barlyq usynylatyn sharalar temirjolshylar kásipodaǵymen kelisilip, jasalady.

«Shtatty ońtaılandyrý jalaqy tólemi boıynsha qoldanystaǵy qor sheginde eńbek aqyny kóterýge múmkindik beretini - mańyzdy tuys. Aǵymdaǵy qarjy jaǵdaıynda jalaqyny kóterý boıynsha basqa kózder «QTJ» UK» AQ-da joq. Ulttyq temir jol kompanııasy jumysshylarynyń ortasha jalaqysy «ónerkásiptik» sala boıynsha ortasha respýblıkalyq deńgeıden 20%-ǵa artta qalady. Al RTJ-dan 40%-ǵa kem. 2024 jylǵa deıin personalǵa jeńil tıetindeı jumystan bosatý baǵdarlamasy esebimen «QTJ» UK» AQ jumysshylarynyń jalaqysy eń az degende 35%-ǵa ósiriledi. 2019 jyly qurylǵan rezerv esebimen 2020 jyldyń 1 qańtarynan bastap jalaqynyń 5% ósimi qamtamasyz etildi, jol monterleri úshin EQK-ne (eńbek qatysýynyń koeffıtsıenti) syıaqy berý syndy tetikter engizildi. Salalyq jáne basqa da jarystar úshin syıaqy berý qarastyryldy», - dep habarlaıdy kompanııadan.