Qazaqstan temir jolynda Táýelsizdiktiń 25 jyldyǵy atap ótildi
Saltanatty sharaǵa QR Premer-Mınıstriniń birinshi orynbasary Asqar Mamın, «Ázerbaıjan temir joldary» JAQ tóraǵasy Djavıd Gýrbanov, «Rohı ohanı Tochıkıston» MÝK bastyǵy Komıl Mırzoalıev qatysty.
A. Mamın sala eńbekkerlerin Táýelsizdiktiń 25 jyldyǵymen quttyqtap, «Ult Kóshbasshysy N. Nazarbaevtyń basshylyǵymen qysqa merzimde memleket quryp, ekonomıkalyq turǵydan damyp, qoǵamda kelisim men beıbitshilikke qol jetkizgenimizdi» atap ótti.
A. Mamın Qazaqstannyń damyǵan 30 eldiń qataryna kirý maqsatyndaǵy «Qazaqstan temir joly» AQ-yna zor senim artylyp otyrǵandyǵyna toqtaldy. Ulttyq kompanııaǵa tranzıttik áleýetti kóterip, ınfraqurylymdy keshendi damytyp, ǵalamdyq naryqtaǵy seriktestik aıasyn keńeıtý tapsyrylǵan» bolatyn.
Jınalǵandar aldynda Kompanııa basshysy Qanat Alpysbaev baıandama jasady. Ol óz sózinde Memleket basshysynyń el Táýelsizdiginiń 25 jylynda saıası, ekonomıkalyq, áleýmettik salada jetken tabystaryndaǵy rolin erekshe atap ótti.
Prezıdent Táýelsizdiktiń alǵashqy jyldarynan aq Qazaqstannyń kólik-logıstıkalyq keshenin damytýǵa, onyń ǵalamdyq kólik jelisine qosylýyna zor kóńil bóldi.
«Aımaqtardaǵy ishki qatynastardy qamtamasyz etip, elimizdiń eksporttyq jáne tranzıttik áleýetin ósirý maqsatynda jańadan 2500 shaqyrym jol salyndy»,-dep atap ótti Q. Alpysbaev.
2008-2016 jyldary 2,9 trıllıon teńgeniń aktıvi jańǵyrtyldy. Myń lokomotıv, 37,5 myń júk vagony, 1500 jolaýshylar vagondary jańǵyrtylyp, 4700 shaqyrym jolǵa kúrdeli jóndeý júrgizildi.
Memlekettik ındýstrııa jáne ımportalmastyrý saıasaty aıasynda álemdik jetekshi kompanııalarmen birlesip otandyq óndiris oryndary quryldy. Búginde sońǵy úlgidegi lokomotıv, vagondar, relster, joldyń ústińgi qabatyna qajetti materıaldar óndiriledi.
Júrdek jolaýshylar tasymaldaý baǵdarlamasy júzege asyrylyp, Qazaqstannyń birlyq iri qalalary júrdek jolaýshylar baǵdarlarymen baılanystyryldy.
Memleket basshysynyń tapsyrmasymen «QTJ» UK» AQ kólik-logıstıkalyq keshendi damytý, tranzıttik áleýetti jáne ǵalamdyq ınfraqurylymdyq yqpaldasýǵa qyzmet etýde.
Qazirgi tańda Kompanııa temir jolmen qatar teńiz tasymaly, kólik-logıstıkalyq ortalyqtardyń qyzmetin úılestirip, teńiz porty, áýejaı men avtokólik ınfraqurylymyn damytýǵa úles qosyp otyr.
«Nurly jol» ınfraqurylymdyq baǵdarlamasy júzege asyrylýda. «Qorǵas-Shyǵys qaqpasy» AEA ınfraqurylymy men «Qurǵaq porttyń» qurylysy aıaqtaldy. Quryq porty men Almaty-Shý ekinshi temir jol jelisiniń alǵashqy ótkizý kesheni paıdalanýǵa berildi.
Kólik-logıstıkalyq ortalyqtardyń ishki jáne syrtqy jelilerinde eýrazııalyq qurlyqtyq júk aǵyndaryn shoǵyrlandyrýdyń toraptary jasaqtalýda.
EKSPO -2017 halyqaralyq kórmesi aıasynda Kompanııa áýejaıda jańa halyqaralyq jolaýshylar termınalyn jáne Astana qalasynda sońǵy úlgidegi temir jol vokzalyn paıdalanýǵa beretin bolady.
«QTJ» UK» AQ óziniń strategııalyq damýynda Qazaqstan aýmaǵy arqyly ótetin kólik dálizderi arqyly ishki jáne syrtqy kólik-logıstıkalyq qyzmetin kórsetýdi tabysty atqaryp keledi»,-deıdi Kompanııa basshysy.
2016 jyly Azııa Eýropa baǵdaryndaǵy konteınerlik júk tasymaly 2011 jylmen salystyrǵanda 100 esege artty. Kompanııa Transkaspıı baǵdarymen teńiz tasymalyn damytý maqsatynda qazaqstandyq flotty qurdy.
Q. Alpysbaevtyń aıtýynsha, «jańa júk aǵyndaryn tartý 2013 jyly bastalǵan júk aınalymynyń tómendeý úderisin toqtatýǵa yqpal etti».
«Ǵalamdyq kólik-logıstıkalyq naryqta alǵa jyljý «QTJ» UK» AQ-nyń asa kúshti básekelestikke beıimdiligi men qyzmetiniń sapalyǵy men tıimdiligine baılanysty»,-dep atap ótti Kompanııa basshysy.
«QTJ» UK» AQ bıznesti transformatsııalaý Baǵdarlamasy aıasynda halyqaralyq naryqta jumys jasaýǵa baǵyttalǵan ınfraqurylymdyq operatordan tasymaldaý bıznesin uıymdastyrýdy bólektep alý uıǵaryldy.
Q. Alpysbaev «QTJ» UK» AQ ujymynyń maqsatty qyzmetindegi tabystaryn ataı kelip, eńbekkerlerge jasalyp jatqan áleýmettik qoldaý sharalaryna toqtaldy.
Saltanatty jınalysta Respýblıkanyń kólik-logıstıkalyq keshenin damytýǵa súbeli úles qosqan eńbekkerlerge memlekettik nagradalar tapsyryldy.
II-dárejeli «Dostyq» ordenimen «Ázerbaıjan temir joldary» JAQ tóraǵasy Djavıd Gýrbanov pen «Rohı ohanı Tochıkıston» MÝK bastyǵy Komıl Mırzoalıev marapattaldy. Kórshiles elderdiń temir jol ákimshilikteri basshylarynyń kólik logıstıka salasyndaǵy senimdi seriktestikke sińirgen eńbekteri baǵalandy.
II-dárejeli «Barys» ordeni «Qazaqstan temir joly» UK» AQ prezıdentiniń keńesshisi Farıt Galımovqa berildi.
Salanyń sańlaqtary «Parasat», «Qurmet» ordenderimen, «Eren eńbegi úshin» medalimen, «Qurmetti temirjolshy» ataǵymen, «Qazaqstan Respýblıkasynyń táýelsizdigine 25 jyl» merekelik medaldarymen marapattaldy, dep habarlaıdy «Qazaqstan temir joly» UK» AQ baspasóz qyzmeti.
