"Qazaqstan temir joly" jumysshylarynyń jemqorlyǵy úshin basshylyq jaýapqa tartyldy

NUR-SULTAN. QazAqparat – «Qazaqstan temir joly» UK» AQ-da tuńǵysh ret qol astyndaǵy jumysshylardyń jemqorlyq áreketi úshin basshylyqty jaýapkershilikke tartý týraly norma qoldanyldy, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Pavlodar oblysy boıynsha sybaılas jemqorlyqqa qarsy qyzmet jáne «QTJ» UK» AQ» «Magıstraldyq jeli dırektsııasy» basshylyǵy qol astyndaǵylardyń sybaılas jemqorlyq qylmys jasaǵany úshin QTJ bólimshesiniń Pavlodar fılıaly basshylarynyń jaýapkershiligin qaraý boıynsha birlesken onlaın-keńes ótkizdi.

Іs-shara «QTJ» UK» AQ» «Magıstraldyq jeli dırektsııasy» barlyq oblystyq fılıaldardyń, «Adal Jol» jobalyq keńsesiniń jáne «QTJ» UK» AQ qyzmetiniń komplaensiniń qatysýymen ótti.

Keńeste «Qazaqstan temir joly» UK» AQ fılıalynyń Ekibastuz jol dıstantsııasynyń burynǵy bastyǵy - «magıstraldyq jeliniń Pavlodar bólimshesi» S.T. Baımaǵambetov pen «Qazaqstan Temir joly»UK» AQ fılıalynyń Pavlodar elektrmen jabdyqtaý dıstantsııasynyń bastyǵy R. O. Ibraev bıýdjet qarajatyn jymqyrǵany úshin jasaǵan sybaılas jemqorlyq qylmysyn tergeý qorytyndylary qaraldy.

Ekibastuz qalalyq sotynyń 2021 jylǵy9 aqpandaǵy úkimimen S.T. Baımaǵambetov QR QK 190-baby 3-bóliginiń 2) tarmaqshasynda kózdelgen sybaılas jemqorlyq qylmys jasaǵany úshin kináli dep tanylyp, oǵan memlekettik qyzmette, memlekettik uıymdarda jáne kvazımemlekettik sektor sýbektilerinde laýazymdardy atqarý quqyǵynan ómir boıyna aıyra otyryp, 3 500 000 (úsh mıllıon bes júz myń) teńge mólsherinde aıyppul salyndy.

2020 jylǵy 28 jeltoqsanda Pavlodar qalasynyń №2 sotynyń úkimimen R.O. Ibraev QR QK 361-babynyń 1-bóliginde kózdelgen sybaılas jemqorlyq qylmys jasaǵany úshin kináli dep tanylyp, oǵan 2 778 000 (eki mıllıon jeti júz jetpis segiz myń) teńge mólsherinde aıyppul salyndy.

- Aıyptaý úkimderi ótti jáne QTJ basshylyǵy qorytyndy jasap, tıisti pármendi sharalar qabyldaıdy dep oılaımyn, - dep atap ótti Pavlodar oblysynyń Sybaılas jemqorlyqqa qarsy qyzmetiniń basshysy A.N. Tastemirov.

- Sondaı-aq, ol keńeske qatysýshylarǵa sybaılas jemqorlyqqa qarsy sharalardyń úshinshi paketimen sybaılas jemqorlyq úshin jaýapkershilik kúsheıtilgenin; ulttyq kompanııalar qyzmetkerleriniń esebinen sybaılas jemqorlyq sýbektileri keńeıtilgenin, sondaı-aq sybaılas jemqorlyq qylmystary úshin sottalǵandar úshin merziminen buryn shartty túrde bosatylǵanyn eske saldy.

«QTJ» UK» AQ Magıstraldyq jeli dırektsııasynyń basshysy B.P. Orynbasarov Pavlodar fılıalynda aýyr sybaılas jemqorlyq qylmystaryn jasaǵany úshin tek jarty jyl ishinde eki basshy qylmystyq jaýapqa tartylǵanyn moıyndady.

Qorytyndysy boıynsha baǵynystylardy sybaılas jemqorlyq úshin Pavlodar fılıalynyń basshylyǵyn qatań tártiptik jaýapqa tartý týraly sheshim qabyldandy. «QTJ»UK» AQ Magıstraldyq jeli dırektsııasy Pavlodar fılıalynyń birinshi orynbasary Espaev Maratbek Jańabergenuly atqaratyn qyzmetinen bosatylady.

Sondaı-aq, «Adal jol» jobasy aıasynda «QTJ» UK» AQ óńirlik fılıaldarynyń barlyq basshylary onlaın rejımde sybaılas jemqorlyqtyń aldyn alý boıynsha júrgizilip jatqan jumystar týraly esep beretin bolady.