«Qazaqstan temir joly» ulttyq kompanııasyn tolyqtaı jańǵyrtý qajet - Prezıdent
Bul jaıynda Qasym-Jomart Toqaev kólik-tranzıt áleýetin damytý jóninde keńeste aıtty.
Qasym-Jomart Toqaev temirjol parkiniń jumysyn jandandyrý jáne joldarǵa kúrdeli jóndeý júrgizý jóninde shara qabyldaýdy tapsyrdy.
– Otandyq temirjol salasynda mashına jasaý isin damytýǵa basa mán berý qajet. Onyń alǵysharttary bar. Qazaqstandyq óndirýshilerdi belsendi túrde qoldaý kerek, – dedi Memleket basshysy.
Ol sondaı-aq «Qazaqstan temir joly» ulttyq kompanııasyn tolyqtaı jańǵyrtý qajet ekenin jetkizdi.
– Qazaqstan temirjolyn ulttyq kólik-logıstıka kompanııasy retinde transformatsııalaıtyn ýaqyt keldi dep oılaımyn. Bul QTJ-nyń mandaty men mindetterin keńeıtýge, kompanııaǵa elimizdiń kólik-tranzıt áleýetin damytý jumystaryn keshendi túrde júrgizýge múmkindik beredi, – dedi Prezıdent.
