«Qazaqstan temir joly» UK Oral bólimshesiniń dırektory bes jarym jylǵa sottaldy
ORAL. QazAqparat - Oral qalalyq sotynyń 15 aqpan kúngi úkimimen «Qazaqstan temir joly» UK» AQ fılıaly - Oral jol bólimshesiniń dırektory Qurmanǵazy Qajıdenov QR QK 362-baby 4-bóligi, 3-tarmaǵy, 361-baby 1-bóligine sáıkes 58-baptyń 3-bóligi qoldanyla otyryp, múlkin tárkileýmen birge túpkilikti kesim - 5 jyl 6 aıǵa bas bostandyǵynan aıyrý jazasyn jalpy tártiptegi túzetý kolonııasynda óteýge sottaldy, dep habarlaıdy «QazAqparat» HAA tilshisi.
Oral qalalyq sotynan túsken málimetke qaraǵanda, ol sonymen qatar ómir boıyna belgili bir laýazymdy qyzmet atqarý quqyǵynan aıyryldy.
Sot talqysynda belgili bolǵanyndaı, fılıal dırektory óziniń tikeleı qaraýyndaǵy jáne jelilik qurylymdar basshylaryna Oral kólik prokýrory B.Halyqtyń týǵan kúnine syılyq alamyn degen syltaýmen árqaısysynan 15 myń teńgeden jınaýǵa nusqaý bergen. Jınalǵan 135 myń teńgeni Q.Qajıdenov óz qalaýy boıynsha jumsaǵan.
Q.Qajıdenovke qatysty kepilge alý túrindegi ustaý sharasy qamaýǵa alýmen ózgertildi. Ol sot zalynda tutqyndaldy.
Sot úkimi kúshine engen joq.
