«Qazaqstan temir joly» UK 6 aılyq jospardy asyra oryndady
ASTANA. QazAqparat - «Qazaqstan temir joly» UK» aktsıonerlik qoǵamynyń basqarma tóraǵasy Qanat Alpysbaev 2018 jyldyń birinshi jartyjyldyǵyndaǵy jumys qorytyndysyna arnalǵan otyrys ótkizdi, dep habarlaıdy QazAqparat kompanııanyń baspasóz qyzmetine silteme jasap.
«Ótken kezeńde josparlanǵan óndiristik qarjylyq kórsetkishterdiń barlyǵy oryndalyp, olardyń ósimi qamtamasyz etildi, - dedi Q. Alpysbaev sózinde.
Onyń aıtýynsha, júk aınalymy byltyrǵymen salystyrǵanda 9% artyp, 106,5 mlrd km-di qurady. Júkterdiń ishinde taý-ken, astyq, hımıkattar, tyńaıtqyshtar jáne qurylys júkterin tasymaldaý kólemi artqan.
2018 jyldyń sońyna deıin júk aınalymyn 219 mlrd. km-ge deńgeıine jetkizý josparlanýda.
Tranzıt ótken jylǵy deńgeımen salystyrǵanda 23, ıakı 6,8 mln tonnadan 8,3 mln tonnaǵa kóbeıgen. ıAǵnı jospar 7 paıyzǵa artyq oryndalyp otyr. Tranzıttik konteınerlik tasymal kólemi 206,6 myń ekvıvalentti qurady, bul 2017 jylmen salystyrǵanda 39,5% joǵary. Qytaı/Azııa-Eýropa - Qytaı/Azııa baǵytyndaǵy tasymal 2017 jylǵy deńgeıden 1,4 esege artyp, 109 myń ekvıvalentke jetti.
Tranzıttik damytýǵa basymdyq bergen kompanııa basshysy «Memleket basshysynyń tranzıttik júk aınalymy kólemin 2020 jylǵa deıin 2 mln konteınerge jáne tranzıtten túsetin paıdany 5 mlrd dollar kólemine jetkizý boıynsha tapsyrma bergenin eske saldy.
Qazirgi tańda kompanııanyń 26% kirisi tranzıttik tasymal esebinen quralyp, ol jalpy júk aınalymy kóleminiń 14% jetip otyr.
Otyrys barysynda kompanııanyń qozǵalys qaýipsizdigin qamtamasyz etý, júk jáne jolaýshylar tasymaly, temir jol ınfraqurylymynyń jaǵdaıy, kólik-logıstıka, óndiristik - qarjylyq qyzmetterdiń damýy týraly basshylar esebi tyńdaldy. Sondaı-aq júk tasymalyn uıymdastyrý, kútip ustaý jáne osy saladaǵy ozyq tájirıbeler sóz boldy.
