«Qazaqstan temir joly» kompanııasynyń ótken 6 aıdaǵy jolaýshylar aınalymy 6,8 paıyzǵa artty

ASTANA. 2 tamyz. QazAqparat - «Qazaqstan temir joly» kompanııasynyń aǵymdaǵy jyldyń 6 aıyndaǵy jolaýshylar aınalymy 7,9 mlrd. jolaýshy/shaqyrymdy qurady. Bul kórsetkish ótken jyldyń sáıes merzimimen salystyrǵanda 6,8 paıyzǵa artyq. Bul týraly búgin Astanada «Qazaqstan temir joly» UK ǵımaratynda ótken Qazaqstannyń kólik qyzmetkerleriniń kúnine arnalǵan saltanatty jıyn barysynda málim boldy.

«Qazaqstan temir joly» UK prezıdenti Asqar Mámınniń aıtýynsha, 2012 jyly temirjol salasyndaǵy jyljymaly quramnyń tozyǵy jetý deńgeıi 64 paıyzdan 60 paıyzǵa deıin tómendetilgen. Jyl aıaǵyna deıin bul kórsetkish 58 paıyzǵa jetpek.

Temirjol salasynda údemeli ındýstrııalandyrý da serpindi jalǵasyp jatyr. Qazirgi tańda Óskemende «Shyǵysmash zaýyty» iri vagon quımasy kásiporny montajdaý jáne ishki qurylysy aıaqtalǵan. 2014 jyly «Qazaqstan temirjoly» kompanııasy óziniń ishki resýrsy esebinen osy ónim túrimen temirjol salasyn tolyǵymen qamtıtyn bolady.