«Qazaqstan temir joly» kompanııasynyń bıylǵy birinshi jartyjyldyqtaǵy tabysy 286 mıllıard teńgeni qurady

Bul týraly búgin «Samuryq-Qazyna» ulttyq ál-aýqat qorynyń keńeıtilgen otyrysynda «QTJ» UK-nyń prezıdenti Asqar Mamın málim etti.

A. Mamın júk aınalymy birinshi jartyjyldyqta 101,2 mıllıard t/shaqyrymdy, jolaýshylar aınalymy 6,2 jolaýshy/shaqyrymdy quraǵanyn, atap aıtqanda bul kórsetkish ótken jyldyń osy kezeńine qaraǵanda sáıkesinshe 13,6 paıyzǵa jáne 5,9 paıyzǵa joǵary ekenin jetkizdi.

«Kompanııanyń kiristeri 286 mıllıard teńgeni qurady. Bul 2009 jyldyń kórsetkishinen 20,6 paıyzǵa asyp tústi. Kompanııanyń taza tabysy 41,2 mıllıard teńgeni qurady»,-dedi kompanııa basshysy.