«Qazaqstan temir joly» kompanııasy ónertapqysh qyzmetkerlerdi yntalandyratyn bolady
ASTANA. 20 maýsym. QazAqparat - «Qazaqstan temir joly» ulttyq kompanııasy óz qyzmetkerlerin ónertapqysh ıdeıalary úshin qarjylaı yntalandyratyn bolady.
Bul týraly búgin Astanada ótken semınar barysynda ǵylymı-tehnıkalyq aqparat jáne taldaý ortalyǵynyń bastyǵy Qanat Súıindikov málim etti.
Onyń aıtýynsha, qyzmetkerler arasynda ónertapqysh qyzmetti arttyrý úshin kompanııada arnaıy normatıvtik qujat daıyndalǵan.
«Qyzmetkerlerdiń ıdeıalary úshin qarjylaı yntalandyrý kompanııa basshylyǵynyń áleýmettik saıasatynyń basty baǵyty», - deıdi ol.
«Eń az syıaqy - 11 myń teńge, eń joǵarǵysy - 63 myń teńge. Kompanııa jyl saıyn ótkizetin ónertapqysh ıdeıalar baıqaýynyń jalpy júlde qory - 250 myń teńge», - deıdi Q. Súıindikov.
