«Qazaqstan temir joly» kompanııasy ІRO-ǵa qashan shyǵarylady
Bul týraly búgin QR Premer-Mınıstriniń birinshi orynbasary - Qarjy mınıstri Álıhan Smaıylov aıtty, dep habarlaıdy QazAqparat tilshisi.
«Qazaqstan temir jolynda problemalar bar. Sondyqtan biz qazirgi ýaqytta merzimin sál keıinge, 2023 jylǵa deıin shegerý bastamasyn jasaǵymyz keledi. Qalǵan kompanııalar menińshe, merziminde, 2020 jyly ІRO-ǵa shyǵatyn bolady», - dedi ol Senattyń jalpy otyrysynda.
Osy rette mınıstr kompanııanyń ІRO-ǵa der ýaqytynda qandaı problemalar kedergi bolyp otyrǵandyǵyn aıtty.
«Bul problemalar belgili. Sóz atalǵan kompanııanyń qarjy júktemesi jaıynda bolyp otyr. Qazirgi ýaqytta qarjylyq jaǵdaıyn jaqsartý, naqty aıtqanda QTJ-nyń qaryzyn qaıta qurylymdaý boıynsha jumys júrgizilip jatyr. Jalpy, arnaýly jol kartasy ázirlendi jáne biz bul máselede ilgerilep kelemiz. Menińshe, taıaý birneshe jyldyń ishinde bul másele qajetti shekte bolady», - dedi Álıhan Smaıylov jalpy otyrystan keıin BAQ ókilderiniń saýalyna oraı.
Onyń atap ótýinshe, kompanııa kezinde alǵan valıýtalyq qaryz eldiń ishki qaryzymen almastyrylady.
«ıAǵnı, olar baǵamdyq táýekelderge baılanysty qyzmet kórsetýge qymbatqa túsetin valıýtalyq qaryzdan qutylý úshin el ishinde teńgemen aqsha tartady. Bizdiń halyqaralyq konsýltanttar naryq konıýtýrasyn eskere otyryp, bul máselede asǵystyq jasaýǵa bolmaıdy dep sanaıdy»,- dedi ol.
