Qazaqstan temir joly qazan aıynda bir mıllıon tonnadan astam astyq tasymaldady
TANA. 2 qarasha. QazAqparat /Gúlmıra Alıakparova/ - «Qazaqstan temir joly» UK» AQ-yna Úkimet tapsyrmasy boıynsha aıyna mıllıon tonna astyq tasymaldaý júktelgen.
Bul mejeni temirjolshylar qazan aıynda 193,8 myń tonnaǵa asyra oryndady.
«Qazaqstan temir joly» UK» AQ fılıaly -Tasymaldaý úderisi jónindegi dırektsııanyń dırektory Ermek Tólegenovtiń aıtýynsha, 31 qazanǵa deıin barlyǵy 1 mıllıon 193,8 myń tonna astyq tasymaldandy. Onyń 601,7 myń tonnasy Qazaqstan aýmaǵyndaǵy tutynýshylarǵa jetkizilse, 592,1 myń tonnasy TMD jáne Baltyq jaǵalaýy sekildi taıaý jáne alys shet elderge jiberildi.
Astyq tasymaldaýǵa arnalǵan vagondardyń jetispeýshiligine oraı, el ishindegi tasymalǵa jabyq jáne ashyq vagondar da paıdalanylýda.
Ulttyq kompanııa qazannan jeltoqsanǵa deıin aıyna mıllıon tonna astyq tasymaldaýdy josparlap otyr. Osyǵan oraı ár kúngi júk tıeýdiń kestesi jasaldy.
«Qyrkúıek aıynan beri «Azyq-túlik kelisim shart korporatsııasy» AQ memlekettik azyq túlik qoryndaǵy 500 myń tonna astyqty tıisti elevatorlarǵa ornalastyrýda. Qyrkúıek aıynda 231 myń tonna astyq tasymaldansa, qazannyń 27-sine deıin 142 myń tonna bıdaı tıisti jerlerge jetkizildi. Vagondar «Azyq-túlik kelisim shart korporatsııasy» AQ-nyń tapsyrysyna baılanysty der kezinde berilýde», - delingen kompanııanyń baspasóz qyzmeti taratqan habarlamada.
Ulttyq kompanııa qarashada eksportqa shyǵatyn astyq kólemin ulǵaıta túspek. Qazirdiń ózinde astyq jóneltýshilerden qarasha aıynda eksportqa 820 myń tonna astyq shyǵarý týraly tapsyrys tússe, el ishinde 120 myń tonna tasymaldanady dep kútilýde.
