«Qazaqstan temir joly» enshiles kompanııalardy úsh esege qysqartady

ASTANA. QazAqparat - «Qazaqstan temir joly» UK» AQ enshiles kompanııalardy úsh esege qysqartady. Bul týraly búgin Úkimettiń keńeıtilgen otyrysynda «Samuryq-Qazyna» UÁQ» basqarma tóraǵasy Ómirzaq Shókeev aıtyp berdi.

«Qazaqstan temir joly» ulttyq kompanııasy úshin enshiles kompanııalardy úsh esege qysqartatyn baǵdarlama ázirlendi, ıaǵnı búgingi 102-den 30-ǵa deıin», - dedi Ó. Shókeev.

Sonymen qatar, ol «Lokomotıv» AQ men «Qaztemirtransty» biriktirýdi usyndy. ıAǵnı barsha júk kóligin lokomotıvtermen biriktirip, 75 paıyzyn satý qarastyrylǵan. Bul turǵyda tosqaýyldaýshy paketti qaldyrý eskerilmek.

«Jolaýshylar tasymalynda da QTJ tek tosqaýyldaýshy paketi qaldyrady. 100 paıyzdyq deńgeıde QTJ tek magıstraldy ınfraqurylymda jáne jańa logıstıkalyq aktıvterde qalady», - dep toqtaldy Ó. Shókeev.