Qazaqstan temir joly ALSTOM jáne Société Générale bankimen kelisimge qol qoıdy

PARIJ. QazAqparat - Parıjde Memleket basshysy Qasym-Jomart Toqaevtyń Frantsııaǵa resmı sapary aıasynda «Qazaqstan temir joly» UK» AQ men «ALSTOM Transport SA» AQ arasynda jáne «Qazaqstan temir joly» UK» AQ men Société Générale banki arasynda kelisimderge qol qoıyldy.

Qabyldanǵan qujatqa sáıkes ALSTOM kompanııasy 2023-2029 jyldar kezeńinde qazaqstandyq zaýytta EQZ elektrovoz shyǵarady jáne «Qazaqstan temir joly» UK» AQ úshin 245 elektrovoz jetkizip beredi.

Bul mámile paıyzdyq mólsherlemeni sýbsıdııalaıtyn Frantsııa Qarjy mınıstrliginiń, BPIFrance memlekettik eksporttyq-ımporttyq agenttiginiń jáne Société Générale bankiniń belsendi qoldaýymen júzege asyrylady.

Bul elektrovozdardyń qazirgi tapshylyǵy máselesin sheshedi jáne qazaqstandyq júk jóneltýshilerge sapaly qyzmet kórsetýge múmkindik beredi.