«Qazaqstan temir joly» ákimshilik ǵımaratynyń shatyryn qatty jel ushyryp áketti
KÓKShETAÝ. QazAqparat - Aqmola oblysynyń Bulandy aýdanynda qatty jel «Qazaqstan temirjoly» ulttyq kompanııasy» aktsıonerlik qoǵamy Ákimshilik ǵımaratynyń tóbesin julyp túsirdi, dep habarlaıdy QazAqparat tilshisi.
Aqmola oblysy TJD baspasóz qyzmetiniń málimetinshe, aqpannyń 7-de saǵat 09:30-da Bulandy aýdanynyń Makınsk qalasynda temirjol stantsııasynyń kezekshisinen qatty jeldiń saldarynan «Qazaqstan temirjoly» ulttyq kompanııasy» aktsıonerlik qoǵamy Ákimshilik ǵımaratynyń aýmaǵy 100 sharshy metr shatyry buzylǵandyǵy týraly habar tústi.
«Zardap shekkender joq. Shatyrǵa jóndeý jumystary 2020 jyly júrgizildi», - dep atap ótti vedomstvodan.
Aıta keteıik, Aqmola oblysynda burqasyn men kóktaıǵaqqa baılanysty eskertý jarııalandy. Sınoptıkter ońtústik-batystan 15-20 m/s jel soǵyp, ekpini 23-28, keıde 30 m/s jetetinin, al aýa temperatýrasynyń 0-2 jylýdan 11-13 aıazǵa deıin tómendeýin boljaǵan bolatyn.
