«Qazaqstan temir joly» AQ-nyń jyl basynan bergi kirisi 21,3 paıyzǵa artty
ASTANA. Shildeniń 12-si. QazAqparat - «Qazaqstan temir joly» AQ-nyń jyl basynan bergi kirisi ótken jyldyń dál osy kezeńimen salystyrǵanda 21,3 paıyzǵa arttyp otyr. Bul aqparatty atalǵan kompanııanyń saıtynda baspasóz qyzmeti taratyp otyr.
Kompanııanyń júk aınalymy 13,3 paıyzǵa ósip, shaqyrymyna 100 mıllıard tonnany qurady. Máselen, oblysaralyq jol qatynasynyń kólemi 11, eksporttyq tasymal - 25, ımporttyq júk tasqyny 2,9 paıyzǵa ósken. Sonymen qatar ótken jylǵy dál osy kezeńmen salystyrǵanda jolaýshylar tasymaly da 6,4 paıyzǵa ulǵaıǵan.
Birinshi jarty jyldyqtyń qorytyndysyna sáıkes, taýarlar men qyzmetterdi satyp alýdyń barlyq baǵyttary boıynsha qazaqstandyq qamtý úlesi birshama ulǵaıdy, kompanııa bul kórsetkishti jyl aıaǵyna deıin 80 paıyzǵa jetkizýdi josparlaýda.
Eldiń temir jol kóligi mashınasyn qurastyrý salasy da 6 aıdyń ishinde aıtarlyqtaı jaqsy nátıjege qol jetkizdi. Alǵashqy jarty jyldyqtyń ózinde Qazaqstannyń 43 kásiporny temir jol kóligi úshin 471 buıym ıgerdi.
Sonymen qatar baspasóz qyzmeti, kompanııanyń Qazaqstan Respýblıkasynyń Táýelsizdiginiń 20 jyldyǵyna oraı 2011 jyly jeltoqsanda «Qorǵas-Jetigen» jáne «Ózen-Túrikmenstanmen memlekettik shekara» temir jol jelisin iske qosýdy josparlap otyrǵandyǵyn atap ótken.
