«Qazaqstan temir joly» AQ kompanııanyń satyp alý kóleminde qazaqstandyq qamtý úlesin 95 paıyzǵa deıin arttyrýdy josparlap otyr

STANA. Naýryzdyń 31-i. QazAqparat /Rýslan Ǵabbasov/ - 2015 jylǵa qaraı «Qazaqstan temir joly» UK» AQ kompanııanyń satyp alý kóleminde qazaqstandyq qamtý úlesin 95 paıyzǵa deıin arttyrýdy josparlap otyr.

Bul týraly búgin Astanadaǵy qazaqstandyq qamtý máselelerine arnalǵan respýblıkalyq keńeste atalǵan kompanııanyń basshysy Asqar Mamın aıtty, dep habarlaıdy QazAqparat.

A. Mamınniń sózine qaraǵanda, bıylǵy jyly kompanııanyń satyp alýlarynyń josparyna sáıkes, qazaqstandyq qamtý úlesin 80 paıyz deńgeıinde qamtamasyz etý qaralyp otyr. Al 2015 jylǵa qaraı bul kórsetkish 95 paıyzǵa deıin jetkizilmek.

Atap aıtqanda, ótken jyly qazaqstandyq mólsherdi arttyrý turǵysynda kompanııanyń satyp alýlary kóleminde 70 paıyzdyq úles qamtamasyz etilgen. Sondaı-aq kompanııamen tikeleı kelisim jasaǵan taýar óndirýshiler sany 30 paıyzdan astam kórsetkishke artqan.