«Qazaqstan temir joly» 2022 jyly rekordtyq kórsetkishke qol jetkizdi
20 jyl ishinde bul kórsetkish eki esege 5,2% ósti. Bul logıstıkanyń ózgerýine, tasymaldaý aýqymynyń ulǵaıýyna jáne taý-ken metallýrgııa ónimderi eksportynyń ósýine baılanysty múmkin boldy, dep habarlaıdy QazAqparat «Qazaqstan temir joly» UK» AQ baspasóz qyzmetine silteme jasap.
Sondaı-aq, 2022 jyly Qazaqstan men Qytaı arasyndaǵy tasymal kóleminiń tarıhı maksımýmy ornatylyp, 23 mln tonnany qurady. Bul kórsetkish 2021 jylǵy deńgeıden 14% - ke joǵary. Onyń ishinde eksporttyq jóneltilimder 13% - ke, el muqtajy úshin ımport 9% - ke ulǵaıdy. Bul jetistik eki el temirjolshylarynyń úılesimdi jumysynyń nátıjesi. Qytaıǵa tasymaldaý suranysynyń artýyna baılanysty Aıagóz-Baqty úshinshi temirjol shekara ótkelin salý boıynsha tehnıkalyq-ekonomıkalyq negizdeme ázirlenýde.
2022 jyly QTJ jelisi arqyly 250 mln tonnadan astam júk tasymaldandy. Tas kómir tıeý 106,6 mln tonnany qurady, bul ótken jylmen salystyrǵanda 600 myń tonnaǵa artyq. Qazaqstandyqtarǵa 70 mln. tonna kómir jetkizildi. Kún saıyn oblys ákimdikterimen birlesip qatty otyn qoryna monıtorıng júrgizildi, oblystarda kómir qory jetkilikti.
Jyl qorytyndysy boıynsha astyq tasymaldaý kólemi 10 mln tonnany qurasa, bul 2021 jylǵy deńgeıge qaraǵanda 12% - ke joǵary, onyń ishinde eksportqa 8 mln tonnasy, ıaǵnı 18% ósimmen jóneltildi. Untaq ónimderin tasymaldaý 3 mln tonnany qurasa, ótken jylǵy deńgeıge qaraǵanda 20%-ke ósken. Astyq tasymaldaýdaǵy negizgi problema sáýir – qyrkúıek kezeńine kvotanyń qoldanylýy boldy, bul jyldyń sońǵy úsh aıynda rekordtyq kólem - astyq balamasynda 1,5 mln tonnadan tasymaldanǵan kezde tasymaldar kúrt ósti.
«Tasymaldardyń jyldam ósip kele jatqan kólemine jáne ınfraqurylymy júktemesine qaramastan QTJ tasymaldaý josparynyń oryndalýyn qamtamasyz etti jáne kelesi jylǵa arnalǵan basymdyqtardy belgiledi»,-delingen habarlamada.
Foto: euls.ru