Qazaqstan telernasynyń fýtbolshylary Seıdahmet Berdiqulov atyndaǵy týrnırdiń jeńimpazy atandy
ALMATY. Mamyrdyń 11-i. QazAqparat /Erlik Erjanuly/ - Ótken jeksenbide Almatyda buqaralyq aqparat quraldary ókilderi arasynda shaǵyn fýtboldan dástúrli túrde jyl saıyny ótetin Seıdahmet Berdiqulov atyndaǵy týrnır óz máresine jetti,
dep habarlaıdy QazAqparat.
Ony Týrızm jáne sport mınıstrliginiń Sport komıteti uıymdastyrǵan bolatyn. Eki kúnge sozylǵan bul jarysqa 12 komanda qatysty. Bul joly «Qazaqstan» telearnasynyń komandasy úzdik shyqty. Al «Habar» agenttigi men «Jas Qazaq» gazetiniń birikken komandasy - ekinshi, «Qazaq gazetteri» JShS-niń komandasy júldeli úshinshi oryndy ıelendi. Al ótken jyly jeńimpaz atanǵan «Aıqyn» jáne «Lıter» gazetteriniń komandasy bul saıysta toptyq kezeńnen óte almady.
