«Qazaqstan» teleradıokorporatsııasy eski án-kúılerdi qamtıtyn aýdıojınaq shyǵarady

ASTANA. KAZINFORM – «Qazaqstan» teleradıokorporatsııasy eski án-kúılerdi qamtıtyn «Asyl mura» aýdıojınaǵyn ázirlep jatyr. 

Atalǵan teleradıokorporatsııanyń málimetinshe, bul jınaqqa buryn jaryqqa shyqpaǵan, «Altyn qorda» saqtalǵan 1 000-nan astam shyǵarma enbek. 

Aýdıokitap «Kúıler», «Jyr-termeler», «Halyq jáne halyq kompozıtorlarynyń ánderi», «Ertegiler», «Besik jyry» jáne «Retro ánder» bólimderinen turady. Mysaly, jınaqqa kúı anasy Dına Nurpeıisovanyń óz oryndaýyndaǵy kúıler kirse, «Halyq jáne halyq kompozıtorlarynyń ánderi» bóliminde Ámire Qashaýbaevtyń óz aýzynan 1925 jyly jazyp alynǵan «Balqadısha» áni bar.

Jobanyń ereksheligi, barlyq aýdıofaıl Spotify, iTunes, Yandex Music sekildi əlemdik platformalarǵa jáne «Qazaqstan» teleradıokorporatsııasynyń altynqor.com saıtyna júkteledi.