«Qazaqstan» teleradıokorporatsııasy Shyńǵys Aıtmatov týraly derekti fılm túsiredi
«Qazaqstan» teleradıokorporatsııasy elimizdegi eń iri medıakompanııa retinde baýyrlas elderdiń telearnalarmen tyǵyz baılanys ornatýda. Ózbekstannyń Mening Yurtim, Yoshlar telearnalarymen, Túrkııanyń TRT AVAZ, TRT telearnasymen, Ázirbaıjannyń AZ TV arnalarymen kontent almasýdy turaqty júrgizip keledi. Ortaq mádenıetimiz kórinis tabatyn kóptegen derekti fılmder, tarıhı serıaldar, jobalar Túrkııa, Ózbekstan, Ázirbaıjan arnalarynda kórsetilip otyr. Telearnalarymyz ben radıolarymyzda «Túrki álemi» atty uzaq jyldyq tsıkldyq habarlar júrip jatyr», - dedi Lázzat Tanysbaı «Túrkitildes elderdiń buqaralyq aqparat quraldary» atty dóńgelek ústelde.
Bir jyl buryn pandemııa kezinde «Qazaqstan» korporatsııasy mádenı-rýhanı baǵyttaǵy Abai TV telearnasyn ashty.
Sonda baýyrlas, túrkitildes, kórshiles elderdiń tarıhyna, mádenıetine qatysty ónim almasý maqsatynda barlyq memleket ókilderine suranyshat joldanǵan.
«Sonyń nátıjesinde Abai TV efırinen túrkııalyq áriptesterimiz daıyndaǵan birneshe derekti fılm kórsetilip jatyr. Biz olardy dýblıajdap, óz tilimizde kórermenge usynamyz jáne ózge elderdiń de ónimderin qazaq tiline aýdaryp, efırden berýge daıyn ekenimizdi jetkizgimiz keledi. Teleındýstrııa óte qarqyndy damyp jatqan qazirgi kezde tek kontent almasyp qana qoımaı, tájirıbe almasqanymyz da óte mańyzdy dep esepteımiz. Mysaly bizdiń korporatsııa mamandary Túrkııanyń ozyq telearnalaryna jıi baryp turady, jaqynda ǵana kórshiles Qyrǵyzstannyń telearnalarynyń basshylary, áriptesterimiz kelip pikir almasty, stýdııalarymyzdy kórdi, ortaq memorandýmǵa qol qoıdyq. Nátıjesinde qyrǵyz tarapymen birlesip, uly jazýshy Shyńǵys Aımatovqa arnalǵan derekti fılm túsirip jatyrmyz», - dedi korporatsııa basshysy.
Qyrǵyz-qazaq birlesken derekti fılmi eki el arasyndaǵy tarıhı dostyq qarym-qatynasty nasıhatatýdy kózdeıdi.
Leıtmotıv retinde Shyńǵys Aıtmatovtyń shyǵarmashylyǵy alynǵan. Onyń eki el arasyndaǵy baılanysty nyǵaıtý jolynda atqarǵan eńbekteri baıandalady.
Túsirý toby Sh.Aıtmatovtyń aýyly Shekerde bolyp, ondaǵy Aıtmatovtyń shyǵarmalaryna arqaý bolǵan derekti oryndardy túsirip qaıtqan.
Sonymen birge L.Tanysbaı Balapan balalar telearnasy qyrǵyz anımatorlarymen birlesip, ǵarysh salasy týraly anımatsııalyq joba túsirilimine daıyndyq bastaǵanyn atap ótti.
«Qazirgi ýaqytta Qazaqstan bul sala boıynsha birqatar tabystarǵa qol jetkizdi, ónimderimiz syrtqy naryqqa shyǵaryla bastady. Eldegi balalarǵa arnalǵan jalǵyz ǵana Balapan telearnasy anımatsııa óndirisiniń damýyna erekshe serpin berip otyr. Jylyna 250-300 bólimdi quraıtyn 20-25 anımatsııalyq týyndy shyǵaryp otyrmyz. Túrkitildes elderdi birtutas túrki tarıhyn kórsetetin anımatsııalyq jobalar óndirisine atsalysýǵa shaqyramyz», - dedi basqarma tóraǵasy.
