«Qazaqstan» telearnasynyń premerasy: «Qyzyl saraıdaǵy tús» tarıhı dastany (FOTO)
ASTANA. QazAqparat - Qytaı tarıhyndaǵy tanymal telenovellalardyń biri «Qyzyl saraıdaǵy tús» atty hıkaıasy 3 tamyzdan bastap qazaqstandyq ekrannan kórsetile bastady.
Bul týraly «Qazaqstan» ulttyq telearnasynyń baspasóz qyzmeti habarlady.
Ádemi dekoratsııalar, qymbat jáne ásem kıim úlgileri, sol kezdegi qalpyna keltirilgen turmystyq jaǵdaı Tsın dınastııasynyń dáýirine boılaı enýge múmkindik beredi.
«Qazaqstan» telearnasy óte kúrdeli, ári ádemi jáne sazdy tilde, ejelgi qytaı - mandarın dıalektisinde túsirilgen 50 serııalyq telehıkaıanyń kúrdeli sınhrondyq dýblıajyn iske asyrdy. Hıkaıa 2010 jyly Azııada telehıkaıalardyń kórsetilimi boıynsha úzdik atandy. Hıkaıanyń bıýdjeti 19 mln. $.
Hıkaıanyń bas keıipkeri Tszıa Baoıýı otbasynda áıelderi basym túsken aýqatty otbasynyń murageri (« Qyzyl saraı» dep atalýynyń bir máni - «aýqatty otbasylardyń qyzdary ómir súretin úı-jaı»; ataýdyń basqa bir derekkózi - besinshi taraýda Baoıýı kóretin túsi: bul túste keıipkerlerdiń basym bóliginiń taǵdyry qyzyl bólmede boljamdanady).
Hıkaıada 40-qa jýyq bas keıipker jáne 500-ge jýyq qosymsha keıipkerler bar. Dál osy hıkaıada Qytaı halqynyń áıgili shaı ishý rásimi tolyq kólemde jáne dál kórsetiledi. Týyndy kóptegen mahabbat jáne saraı ishindegi shytyrmandarǵa toly. Hıkaıa Tsaıý Sıýetsın 18 ǵasyrda jazǵan týyndy boıynsha túsirilgen.
Jańa maýsymda «Qazaqstan» telearnasy « Qyzyl saraıdaǵy tús» tarıhı dastannyń keıipkerleriniń basynan ótken naǵyz sezimtaldyq jáne dramalyq qasiretterine boılaı enýge múmkindik beredi! Hıkaıa orys tilindegi júgirtpe aýdarmamen qatar kórsetiledi. Sondyqtan da, telehıkaıa aýdıtorııanyń keń aýqymyna qyzyq bolady degen senimdemiz. Jiberip almańyzdar! 3 tamyzdan bastap saǵat 19.35-te dúısenbi-juma aralyǵynda «Qazaqstan» telearnasynda « Qyzyl saraıdaǵy tús» telehıkaıasy!
