«Qazaqstan» telearnasynyń alǵashqy basshysyna eskertkish taqta ornatyldy

Hamza Ábilǵazınniń esimi otandyq telearna tarıhymen tikeleı baılanysty. Ony eske alýshylar bilikti basshy týraly shejireni 1950 jyldardyń aıaǵyndaǵy Almaty telestýdııasynyń tarıhynan bastaıdy. Búgingi «Qazaqstan» telearnasynyń irgetasy bolǵan Almaty telestýdııasy 1958 jyly ashylyp, oǵan mádenıet salasynyń bilikti mamany Hamza Ábilǵazın basshy bolyp bekitiledi.

«Ákem telestýdııaǵa basshy bolyp bekitilgende esimde úıde kishkentaı teledıdar boldy. Jumystan kelgen soń da sony qosyp qoıyp, baǵdarlamalardy qadaǵalap otyrady. Telefon soǵyp, eskertýler jasap jatady. Shaǵyn páterde turamyz, úıde Baıanaýyldan kelip jatqan aǵaıyn-týystan bólek kórshiler de kelip, sol teledıdardyń aldyna úımeleıtin. Sodan keıin ákem úıdegi teledıdardan jumysyn qadaǵalaı almaıtyn bolǵandyqtan,ózi túnge deıin jumysta qalatyn boldy», -dep eske alady onyń uly Bahyt Ábilǵazın.

Eskertkish taqtanyń ashylýynda sóz alǵan «QAZAQSTAN» Ulttyq arnasynyń prodıýseri Jańyl Mámejanqyzy telearnanyń 60 jyldyq mereıtoıy qarsańynda arnaıy uıymdastyrylyp otyrǵanyn aıtty.

«Ulttyq arna alǵashqynda Almaty stýdııasy dep ataldy. 1 aıdan keıin telearnamyz óziniń 60 jyldyǵyn atap ótedi. Alǵashqy is- shara bastalyp ta ketti. Búgin mine, Hamza Ábilǵazın aǵamyzǵa eskertkish taqta ashylyp jatyr. Hamza aǵa - Ulttyq arnanyń alǵashqy dırektory. Alǵashqy dırektorymyzǵa kórsetilip jatqan qurmet sol kezde jumys istegen Qanapııa  Mustafın aǵamyzǵa, Sovet Mazǵutov, dıktorlar Leıla Omarova. Z. jáne Zýlhııa Jumatovalarǵa kórsetilgen iltıpat dep bilemiz», - dedi ol.
 

Jıynda sóz alǵan Hamza Ábilǵazınniń uly Baqyt ákesiniń «Qazaqfılm» kınostýdııasynda da qyzmet atqarǵanyn, onda sapaly100-degen fılmdi qazaqsha sóıletkenin aıtty.   

«Almaty telestýdııasyn basqarǵannan keıin ony «Qazaqfılmniń» birinshi orynbasary etip jiberdi. Mindeti - dýblıajdy jolǵa qoıý. Ákemniń jetekshiligimen 100-den astam fılm qazaq tilinde sóıledi.Ol kisi Almaty telestýdııasynda basshy bolyp turǵanynda dıktorlyqqa Z.Jumatova men L.Omarovany bekitip, ekeýin Máskeýde ıÝrıı Levıtannyń kýrsyna jibergenin aıta ketý kerek. Sol saparda odaqtan kelgen jýrnalıster arasynda ekeýi de úzdik dıktor atandy. Ol maǵan: «Ómirdi artyńnan birde bir adam jaman sóz aıta almaıtyndaı qylyp súrý kerek» dep ósıet aıtty. Ózi solaı istedi de, ary taza bolyp ketti», - dep eske aldy.
 

Hamza Ábilǵazın 1919 jyly Pavlodar oblysy Baıanaýyl aýylynda dúnıege kelgen. Qoǵam qaıratkeri, Qazaq KSR-niń Eńbek sińirgen mádenıet qyzmetkeri. 1939 jyly Uly Otan soǵysyna 20 jasynda attanyp, 1946 jyly maıdannan oralǵan. Ár jyldary mınıstrler keńesiniń mádenıet salasynda qyzmetter atqarǵan. Almaty telestýdııasynda 1958-1962 jyldary dırektor bolsa, 1962-64 «Qazaqfılm» kınostýdııasynda dırektordyń orynbasary, 1954-1972jyldary Qazaq KSR Mınıstrler Keńesiniń radıohabarlar jáne tedelıdar basqarmasynyń basshysy boldy. 1972 jyldan ómiriniń sońyna deıin Qazaq KSRJoǵarǵy keńesiniń Tóralqa ister basqarmasynyń basshysy qyzmetin atqardy. 1980 jyly 61 jasynda dúnıeden ozdy.