«Qazaqstan» telearnasynda jańa hıkaıalardyń tusaýkeseri ótedi (FOTO)

Óz óndirisiniń kontentin sapaly ózgertý men joǵarylatýǵa baılanysty «Qazaqstan» telearnasy mektep oqýshysynan bastap, eńkeıgen kárige deıin janǵa jaıly baǵdarlamany usyna bildi.

Teleefırden beriletin sheteldik óndiristiń hıkaıalary qysqartylyp, esesine otandyq telehıkaıalardyń sany artty. Otandyq telehabar taratý arnalarynyń ishinde ulttyq arna óziniń negizgi jobalaryn orys tildi júgirtpe joldarmen (qoǵamdyq mańyzdy baǵdarlamalardy, hıkaıa óndirisin jáne derekti fılmderdi) birinshi bolyp bere bastady.

Jańa maýsymda telearna «Jaryq», «Jańa qonys», «Bizdiń aǵaı», «Tańdaý», «Shyrǵalań», «Jambyl» jáne taǵy basqa birqatar óz óndirisiniń hıkaıalaryn telekórermenderge usynady.

«Qazaqstan» RTRK» AQ basqarma tóraıymy Nurjan Muhamedjanova óz telehıkaıalarynyń óndirisi týraly bylaı deıdi: «Qazaqstandyq kórermen ata tarıhyn, mádenıetin, salt-dástúrin barynsha bilýge qushtar. Onyń ústine teleekrannan óz zamandastaryn, búgingi ómirdi kórgisi keledi. Osy oraıda, biz kórermenderdiń suranysyn barynsha tez, ári sapaly qanaǵattandyrýǵa tyrysamyz. Otandyq hıkaıanyń sapasyn jańa deńgeıge kóterý qolymyzdan keldi degen oıdamyn. Biz ıdeıany, sınopsısti, stsenarııdi ázirleımiz. Túsirilim úderisin, montajdy baqylap, túsirilgen materıaldy aldyn ala qarap shyǵamyz. Hıkaıalarymyzdyń basty keıipkerleri muǵalim («Ustaz»), polıtsııa qyzmetkeri («Aýyl saqshysy»), dáriger («Jedel járdem»)... Osy hıkaıalar arqyly medıtsına, bilim salasyndaǵy, shaǵyn jáne orta bıznestegi jaǵdaıdy, qala men aýyl, áke men bala arasyndaǵy jáne eń mańyzdy bolyp tabylatyn adamdar arasyndaǵy qarym-qatynas máselelerin kóteremiz. Biz bul jetistikke jetý úshin kóp eńbektendik. «Qazaqstan» RTRK» AQ tapsyrysy boıynsha bıyl 12 hıkaıa túsirilýde, bul 217 serııa. Qyzyqty da, shytyrman oqıǵalarǵa toly jańa hıkaıalardy jýyq arada nazarlaryńyzǵa usynatyn bolamyz!».

«Qazaqstan» telearnasyndaǵy jańa maýsym «Jaryq» hıkaıasynyń tusaýkeserimen bastaldy. Bul «joǵary kerneý aımaǵynda» - Moınaq GES janyndaǵy oqıǵalarmen baılanysty otbasylyq oqıǵa. Hıkaıa qazaqstandyq tabıǵattyń jaýharlary Sharyn ózenin, Sharyn shatqalyn kórsetýmen erekshelenedi. Kúzdiń sońyna deıin kórermenderge jańa úsh hıkaıa usynylady, olar: «Jańa qonys», «Bizdiń aǵaı» jáne «Tańdaý».

« Jańa qonys» hıkaıasy efırge 10 qazan kúni shyǵady. Sıýjettiń negizi zamanaýı tendentsııada qazaqstandyq qoǵamnyń qarqyndy damýy, aýyl jastarynyń qala ómirine beıimdelýi. Basty keıipkerler qalanyń qaq ortasynda páter jaldaıtyn otbasy. Bul jaǵdaı kópshilik turǵyndarǵa tanys. Óz páterine qol jetkizem degen asqaq armanǵa jetý jolynda hıkaıa keıipkerleri qyzyqty da, kúrdeli jaǵdaılardy bastan keshedi. Alaıda, bul joba arqyly biz týǵan jerge degen mahabbatty, aýyldy túrlendirý, gúldendirý máselelerin kóteremiz.

12 qazan kúni «Bizdiń aǵaı» hıkaıasynyń tusaýkeseri ótedi. Komedııa janrynda túsirilgen hıkaıa zeınetkerlikke shyǵyp, tanymal bloger jáne jastardyń tálimgeri atanǵan aýyl aqsaqalynyń qyzyqty oqıǵalaryn pash etedi.

Kúzgi maýsymnyń basty premeralarynyń biri - «Tańdaý» hıkaıasy. Telehıkaıanyń dramalyq sıýjetinde, eń aldymen, qazaqstandyqtardyń zııatkerlik ult ekeni kórsetiledi. Hıkaıada naǵyz dostyq pen otansúıgishtiktiń úlgisin kórsetken tórt dostyń taǵdyry sıpattalady. Shetelden túsken kóptegen usynystarǵa qaramaı, olar óz eliniń damýyna, kórkeıýine úles qosýǵa bel býady. Kóptegen qıynshylyqtarǵa tap bolǵan dostar, memleketten qoldaý tabýdan úmit úzip, ınvestıtsııalardy tanys-jaqyndarynyń arasynan izdeı bastaıdy. Hıkaıanyń tek sońyna qaraı «Alataý» IT parktiń dırektsııasyna ótinish bildirgen jastar elimizde óz isin ashý úshin barlyq sharttardyń qurylǵanyna jáne barlyq azamattarǵa birdeı múmkindikter bar ekenin kórip, tańǵalady. Hıkaıa jastardyń boıyna otansúıgishtik sezimin uıalatyp, óz memleketiniń bolashaǵyna úlesterin qosý ilgerindi, naǵyz azamattarǵa tán qasıet ekenin uqtyrady.

«Qazaqstan» telearnasy otandyq hıkaıalardyń óndirisin odan ári jalǵastyra beredi. Tolyq aqparatty www.kaztrk.kz saıtynan jáne barlyq áleýmettik jelilerden bile alasyzdar.