«Qazaqstan» telearnasynda Naýryz juldyzy anyqtalady

ASTANA. QazAqparat - Naýryz meıramy jańarý merekesi. Qazaqstandyqtar úshin Naýryz kóktemgi jańarý, mahabbat, bereke, dostyq nyshany ispettes. Bul ejelgi merekelerdiń biri. Jyl sanaý boıynsha 22 naýryz - kún men túnniń teńesetin kúni. ıAǵnı «jańarý» degen maǵynany bildiredi.

Naýryz meıramy ata-baba dástúrimen sabaqtasqan jalpy túrki tildes halyqtaryna ortaq mereke. Túrki tildes halyqtardyń árqaısysynda Naýryz meıramyn toılaýdyń óz erekshelikteri bar. Bul kúni renjisken adamdar tatýlasyp, bir-birine keshirimmen, meıirimdilikpen qaraıdy. Barsha jurt ádemi kıinip, bı bılep, án salady. Aqsaqaldar bata berip, jaqsy tilekter aıtylady.

Qazaq halqy qashanda sheberligimen, sheshendigimen, «jaqsy án men tátti kúılerimen» erekshelenetin. Qazaqta «áý» demeıtin, sondaı-aq dombyra shertpeıtin adam kemde-kem.

Qazaqtyń bar bolmysy ánmen órilgen. Án toı-dýmandarda da, salt-dástúrlerde, sonymen qatar joqtaýlarda da jalǵasyn tapqan.

Qazaqtyń kúı óneri keń dalanyń tynysymen qatar órilgen áýendi saz. Mundaı óner basqa halyqtarda joq.

«Qazaqstan» Ulttyq telearnasynda bastaý alǵan «Naýryz juldyzy» baıqaýynyń maqsaty qazaq halqynyń salt-dástúrlerin keńinen nasıhattap, olardy jas urpaqty tárbıeleýde paıdalaný. Baıqaý jeńimpazy «Qazaqstan» ulttyq telearnasy arqyly óz ónerin barsha halyqqa pash etý múmkindigine ıe bolady, dep habarlady «Qazaqs tan» RTRK» AQ baspasóz qyzmeti.

Halyq danalyǵynda adam óz ónerin, turmys-mádenıetin tereń sezine bilgen saıyn basqa halyqtardyń ónerin, mádenıetin túsinedi degen uǵym bar.

Esterińizge sala keteıik, atalmysh baıqaý sharty boıynsha kez kelgen oryndaýshy kúı oryndaýyn beınege jazyp alyp, atalmysh beıneni 2016 jylǵy 20 naýryzǵa deıin [e-mail] mekenjaıyna joldaýy tıis. Kúıdiń úzdik oryndaýshysyn arnaıy ádil-qazylar alqasy anyqtap, onyń esimi 21 naýryz kúni belgili bolady. Jeńimpazdar tizimi baıqaýdyń arnaıy saıtynda jarııalanady.