«Qazaqstan» telearnasynda - «Men qazaqpyn» megajobasy
ASTANA. QazAqparat - Búgin, 7 tamyzda «Qazaqstan» Ulttyq telearnasynda «Men qazaqpyn» atty halyqaralyq megajobanyń kúndelikteri bastalady.
Bul jobanyń maqsaty - Respýblıkamyzdyń jáne basqa elderge qonys aýdarǵan qandastarymyzdyń dástúrli ánshi-termeshi, kúıshileri Ulttyq arnada bas qosyp, elimizdiń tańdaýly týyndylaryn dáripteý arqyly, atadan-balaǵa mıras bolyp qalǵan tól ónerimiz kúı, jyr-termeni zamanǵa saı jańashalandyryp, bolashaq urpaqqa keńinen tanytý.
Aýqymdy jobaǵa elimizdiń 14 oblysynan basqa, Reseı Federatsııasy, Qytaı Halyq Respýblıkasy, Mońǵolııa men Altaıda turatyn qandastarymyz da qatysqan bolatyn, dep habarlaıdy telearnanyń baspasóz qyzmeti.
Sonymen, barlyǵy 675 ónerpaz baq synasyp, irikteý týrlarynan eń úzdik dep tanylǵan 57 úmitker Respýblıkalyq televızııalyq baıqaýǵa joldama aldy.
«Men qazaqpyn» halyqaralyq jobasynyń kúndelikterin «Qazaqstan» Ulttyq telearnasynan 7 tamyzdan bastap saǵat 21:20-da kóre alasyzdar.
