«Qazaqstan» telearnasynda - «Bapker» otandyq telehıkaıasynyń tusaýkeseri
ASTANA. 14 naýryz. QazAqparat - 18 naýryzdan bastap «Qazaqstan» Ulttyq arnasynda jańa otandyq telehıkaıa - «Bapker» kórsetile bastaıdy.
Onda basty keıipker - Baýyrjannyń rólin «Sardar», «Kelin», «Jeruıyq» kınotýyndylaryndaǵy jumystarymen tanymal bolǵan Q. Qýanyshbaev atyndaǵy Memlekettik akademııalyq qazaq mýzykalyq drama teatrynyń akteri Erjan Nurymbet somdaıdy.
Oqıǵa jelisinde boks bapkeriniń ómiri men maqsaty jaıly baıandalǵan. Onyń armany myqty chempıon tárbıelep shyǵarý. Súıikti kásibinen basqa, ol bir januıanyń otaǵasy, aıaýly áke. Biraq ókinishke oraı, súıikti isimen januıasyn asyraýǵa múmkindigi joq. Sol sebepti shańyraǵy shaıqalýdyń ár jaq-ber jaǵynda. Ol óz maqsatyna jete alady ma?
«Bapker» telehıkaıasy «Qazaqstan» Ulttyq arnasynda saǵat 21.50-de kórsetiledi.
Rejısseri: Bek Ábenov. Rólderde: Erjan Nurymbet, Baqytjan Álpeıisov, Nurgúl Maǵaýına, Baltabaı Seıtmamytov, Gúlshat Tutova, Alıhan Amanjolov, Danııar Bazarqulov jáne basqalar.
