«Qazaqstan» telearnasynda Asanáli Áshimovtiń syr keshi ótedi
ASTANA. QazAqparat - 28 aqpan kúni saǵat 21.00-de «Qazaqstan» telearnasynda jańa formattaǵy-«memýarlyq» janrdaǵy - «Senbilik kezdesý» atty jańa baǵdarlama efırge shyǵady. Júrgizýshi Qurmanbek Jumaǵalı tanymal tulǵalardyń el bilmeıtin jeke ómiriniń qyr-syrlaryn ashady. Bul týraly ulttyq arnanyń baspasóz qyzmeti habarlady.
Alǵashqy baǵdarlamanyń qonaǵy qazaqstandyq teatr men kınodaǵy iri tulǵalardyń biri, naǵyz azamat pen akterlik sheberlik qasıetteri toǵysqan uly tulǵa arnalmaq. Bul kesh naǵyz ártistiń, rejısser jáne stsenarıstiń, ustazdyń, álemdik ataq ákelgen keremet rólderi, halyqtyń súıiktisi - Asanáli Áshimovtiń syrlasý keshi bolmaq.
Sońǵy jyldary el bilmeıtin qandaı tyń jańalyqtary bar? Uly Sháken Aımanovtyń oqýshysynyń biz bilmeıtin kadr syrtyndaǵy qandaı qupııalary men syrlary bar? Munyń bárin osy senbi «Qazaqstan» telearnasynan bile alasyzdar. Bul 50 jyldyq shyǵarmashylyq ómir tarıhyna ulasqan syrlasý keshi bolmaq.
