«Qazaqstan» telearnasynda «Arman qanatynda» atty jańa televızııalyq hıkaıa kórermenderge jol tartpaq
ASTANA. QazAqparat - 9 sáýir kúni «Arman qanatynda» atty jańa televızııalyq hıkaıa efırge shyqpaqshy. Hıkaıa 1943 jyldan beri óz jumysyn bastaǵan Atyraý munaı óńdeý zaýytynyń qalyptasý tarıhy týraly syr shertedi, dep habarlady «Qazaqstan» RTRK» AQ baspasóz qyzmeti.
Kınokartına Keńes Odaǵynyń basshylyǵy nemisterdiń jaqyndaýyna baılanysty Kavkazda ornalasqan munaı ónerkásipterin jaryp, Qazaqstanda jańa zaýyt ashý týraly sheshim qabyldaǵan kezden bastalady.
Kórermender Jantórın jáne Hasanov áýletterinen shyqqan munaıshylardyń ómirlik tarıhynyń kýási bolady.
Atyraýdyń tarıhy keıipkerlerdiń estelikteri men sezimi arqyly beriledi.
Keıipkerlerdiń tarıhy jeke oqıǵalarǵa, tarıhı kezeńderge, jerlestermen jeke tanysý jáne basqa da oqıǵalarǵa negizdelgen túrli áýletterdiń tarıhymen úılesim tapqan sıýjettegi jınaqtaýshy obraz.
Fılmniń sıýjeti búgingi kúni táýelsiz Qazaqstannyń munaı astanasy atanǵan Atyraý qalasynan bastaý alyp, ózara kelisim tappaı kele jatqan eki áýlettiń balalary Sholpan men Dıdardyń arasyndaǵy mahabbat hıkaıasymen jalǵasyn tabady. Otbasynan jyraqta oqý oqyp júrgen eki jas birin-biri unatyp qalady. Eki áýlettiń arasyndaǵy daý-janjaldy bilip ósken eki jas, bolashaqta birge bola almaıtyndaryn da biledi. Degenmen, Dıdar Londonǵa oqýǵa atanarda Sholpannyń aıaǵy aýyr bolyp qalady.
Sholpan basyna túsken jaǵdaıǵa baılanysty týǵan qalasyna oralyp, zaýytqa jumysqa turýǵa sheshim qabyldaıdy. Nátıjesinde, súıiktisi men qursaǵyndaǵy balanyń ákesiniń anasy bastyǵy bolyp shyǵady.
Ýaqyt óte kele Hasanovtar áýleti shetelden balalary Dıdardy qaıtaryp alyp, jeńil ómir súrýge úırenip qalǵan jas jigitti, qatań basshynyń qol astyndaǵy brıgadaǵa qara jumysker retinde jumysqa jiberedi.
5 serııadan turatyn hıkaıadan kórermender mahabbat, ókpe, túńilý, eski jaranyń aýzy ashylyp, ótken urys-kerister qaıtadan oryn alǵan oqıǵalarǵa qurylǵan eki áýlettiń ómirin kóre alady. Biraq, eń bastysy bul eki áýlet te otbasylarynyń munaı salasyna berilgen dástúrin saqtap qalady.
Hıkaıany 2015 jyly «Astanatelefılm» túsirgen bolatyn. Rejısseri Baqtııar Seıitqazy. Stsenarıı avtory - Láılá Aqynjan, prodıýsserleri Borıs Shyrdabaev pen Álııa Ýáljanova. Basty rolderdi Tólegen Jangeldıev, Bekmuhamed Kıikbaev, Aqbar Jarmaǵanbetov, Sholpan Ǵabdolmýlınova, Ásemgúl Óteshova, Saǵyzbaı Qarabalın, Beıbit Qusanbaev jáne Gaýhar Ábjaparovalar somdady.
Eki áýlettiń arasynda tutanǵan alaýyzdyq oty báseńdeı me? Erke bala Dıdar naǵyz azamat, otbasynyń maqtanyshy bola ala ma? Osy jáne basqa da suraqtarǵa «Qazaqstan» arnasynyń kórermenderi 9 sáýir kúni saǵat 15:00-de bile alady.
